Home dezenvolvimentu Governu Aprova Adesaun TL ba KABIRD

Governu Aprova Adesaun TL ba KABIRD

203
0
SHARE
Sekretariu Estadu Konsellu Ministro no Komunikasaun Sosia, Matias Boavida. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Governu liu husi sorumutu Konsellu Ministro (KM) halo ona aprovasaun adezaun Timor – Leste ba iha Konsellu Administrasaun Banku Internasional ba Rekonstrusaun no Dezenvolvimentu (KABIRD).

Sekretario Estadu Konsellu Ministro no Komunikasaun Sosial (SEKMKS) Matias Boavida hatete, proposta rejolusaun subskrisaun adisional ba kota RDTL kona ba adesaun Timor – Leste niam ne’e aprezenta husi Ministerio Planu Finansas.

“Kona ba adesaun ita nian ba KBIRD ne’ebe sei hanesan grupu ba parte Banku Mundial nian, ne’e mak kota ida ne’ebe ita halo tanba Timor – Leste mos holaparte iha grupu ne’e,” dehan Matias ba Jornalosta hafoin remata runiaun KM iha palacio do Governo, Kuarta (14/03/2018).

Alende ne’e, KM aprova mos proposta rejolusaun resposta ba rekursu no prosesu adezaun ba ASEAN nian ne’ebe aprezenta husi Ministeriu Negosiu Estrangeiru no Koperasun (MNEK).

“Iha proposta ne’e KM dezigna Ministro Estadu no Konsellu ba Seguransa Nasional Jose Ramos Horta atu reprezenta Governu Timor – Leste atu ba iha prosesu negosiasaun rejional prevendu seguransa liu-liu ASEAN nian,” dehan Matias.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here