Home dezenvolvimentu Assegura Rikusoin TL, Lere: Tenke Tau Prioridade ba Seguransa

Assegura Rikusoin TL, Lere: Tenke Tau Prioridade ba Seguransa

71
0
SHARE
Xefe Estadu Maior das Forsas Armadas F-FDTL, Maijor Lere Anan Timur. Photo: TTN/Jose Samuel

By: Jose Samuel

THETIMOR-NEWS.com, Dili – Dadauk ne’e, Timor – Leste iha ona Fronteira Maritima (FM) klaru no los ona ho nasaun vizinu Australia. Tanba ne’e Xefe Estadu Maior das Forsas Armadas F-FDTL Maijor Jeneral Lere Anan Timur husu ba Governu se deit mak kaer ukun bainhira manan eleisaun antesipada tenke tau prioridade ba seguransa atu nune’e bele asegura nasaun ne’e ho diak.

“Iha eleisaun Governu ne’ebe deit mak ukun tenki tau primeira prioridade liu ba kestaun seguransa, ita labele kontente deit ho FM ne’ebe los ona maibe seguransa importante atu asegura iha ita nia lina sira,” dehan Lere ba Jornalista hafoin remata sorumutu ho Prezidente Republika Francisco Guterres Lu-Olo iha Palacio Prezidencial Bairo Pite Dili, Kuarta (14/03/2018).

Ema numeru ida iha F-FDTL ne’e hatutan, “Ohin loron ita iha ona FM tamba ne’e, ita tenki implika esforsu makas liu tan kona ba Seguransa no Defesa Soberania nian tamba Froteira rai maran nian seidauk konklui maibe Fronteira husi tasi ho Australia nian mak konklui ona”.

Hare ba Timor – Leste iha riku soi barak iha tasi laran liu-liu hanesan mina no gas, nune’e lider ne’e dehan, presiza seguransa ne’ebe diak atu asegura no kontrola atu ema ruma labele estraga riku soin hirak ne’e.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here