Home dezenvolvimentu KI Sosializa Lei Komunikasaun ba PNTL

KI Sosializa Lei Komunikasaun ba PNTL

83
0
SHARE
Prezidente Konsellu Imprensa (KI) Vrigilio Guterres. Photo: Espesial

By: Fidelio RAMOS

THETIMOR-NEWS.com, DILI – Konselho Imprensa  (KI) liu hosi prezidente Vrigilio Guterres halo sosializasaun lei komunikasaun sosial ba Polisia Nasional Timor – Leste (PNTL) nune’e bele halakon dezentendimente entre Jornalista no parte seguransa bainhira halo servisu iha terenu.

Prezidente KI hatete, sosializaun lei komunikasaun sosial numeru 5/2014 nune’e bele kria amizade diak liu tan entre media ho PNTL atu halo servisu ho diak liu tan.

“Hau haksolok tanba ohin bele konkretiza asaun ne’e hodi fahe kunesementu kona ba lei komunikasaun sosial ba ita nia maluk PNTL sira ho mos regulamentu ne’ebe mak ami produz ona,” dehan Prezidente KI Virgilio Guterres ba Jornalista iha salaun akademia PNTL Comoro, Tersa (13/03/208).

Nune’e, nia husu nafatin ba membru PNTL hotu atu intende saida mak servisu Jornalista sira halo.

Iha fatin hanesan, segundu komandante Jeral PNTL Komisariu Faustino da Costa hatete, sira nia parte apresia tanba KI halo sosializasaun ne’e atu nune’e PNTL bele hatene diak liu tan saida mak servisu Jornalista nian.

“Ohin aproveita tempu ne’e hodi marka prezensa ho intensaun ba futuru bele halo koperasaun diak atu bele evita hahalok sira ne’ebe la intende malu ne’e,” dehan Komisariu Faustino.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here