Home dezenvolvimentu CNE Husu Parpol Kumpri Regras Hafoin Hakat ba EA

CNE Husu Parpol Kumpri Regras Hafoin Hakat ba EA

233
0
SHARE
Prezidente CNE Alcino Baris husi klaaran hasain foto hamutuk ho reprezentaante Parpol hirak ne'ebe preparadu atu kompete ba eleisaun antesipada iha salaun Lalini Larigutu CNE, Colmera. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Komisaun Nasional Eleisoens (CNE red) halao sorumutu ho Partidu Politiku ne’ebe preparadau atu kompete iha eleisaun antesipada no husu atu kumpri nafatin lei ne’ebe iha ona hafoin kompete iha eleisaun.

Prezidente CNE, Photo: Espesial

Prezidente CNE Alcino Barris hatete, reuniaun ne’ebe halo ho Parpol hirak ne’e atu fo hanoin katak, oras ne’e daudaun sei iha faze preparasaun laos kampaina, tanba sira nia parte durante ne’e simu ona keisa husi parte balun dehan, Partidu sira ne’ebe koligasaun komesa halo ona kampaina eleitoral iha baze.

“CNE hamutuk ho Partidu koligasaun sira no sira ne’ebe  lao mesak hodi fo hatene katak agora daudaun sei iha hela faze preparasaun foin mak konklui lista kandidatura, lista ba koligasaun Parpol sira hotu ona iha 11 Marsu ne’e, inskrisaiun ba Partidu Politiku sira sei hotu 21 Marsu  agora. Tanba ne’e, hus ba Parpol sira tenke kontrola no kumpri nafatin regras ne’ebe vigor, tanba kontestasoes husi partidu sira balun dehan agora iha parte konsulidasaun maibe iha lalaok balun husi partidu sira balun ne’ebe halo ona kampaina, maibe partidu hirak ne’e ohin halo ona esplikasaun,” dehan Alcino ba Jornalista iha konferensia imprensa ne’ebe halo iha salaun CNE Colmera Dili, Tersa (13/03/2018).

Nia haktuir, kontestasaun ne’ebe CNE simu husi Partidu FRETILIN informa, oras ne’e daudaun Aliansa Mudansa ba Progresu (AMP) halo ona prapaganda eleitoral ba publiku.

“Maibe kona ba kontestasaun ne’e, AMP halo ona ajustasaun katak sira halo  konsulidasaun iha sede partidu nian ba militante no apoiante sira, sira rasik dehan la halo kampaina eleitoral enkuantu  seidauk to tempu, saida mak sira halo no ema balun post iha media hanesan Facebook sira rekoinese katak hahalok ne’e iha konsolidasaun ne’ebe sira halo ho sira nia apoiantes no militantes sira,” dehan Alcino.

Membru AMP Arao Noe. Photo:TTN/Hortencio Sanches

Enkuantu, oras ne’e daudaun CNE seidauk foti dezisaun maibe sei rona uluk klarifikasaun husi Parpol hirak ne’e, maibe ba oin iha indikasaun balun ne’ebe halo laos iha sede partidu CNE sei halo investigasaun tuir lei.

Iha fatin hanesan membru AMP Arão Noe hatete, sira nia parte hasorumalu ho CNE tanba informasaun balun ne’ebe husi parte balun hato’o ona katak sira kontra lei no halo ona kampaina eleitoral maski tempu ba propaganda politiku seidauk to’o.

“Parte ami nian agradese tanba, CNE bolu ona ami hodi halo esplikasaun nune’e ba oin atu labele iha disturbes ruma iha komunidade nia le’et, mesmu partidu barak no ita fahe malu tanba demokrasia, mais ita keta haluha katak ita ne’e mesak Timor nia oan deit no Timor ba ita ida deit, ho nune’e hau hanoin katak prezensa ohin iha CNE ne’e importante tebes,” dehan Arão.

Dadauk ne’e, Parpol hamutuk 8 mak fiksu ona atu kompete iha eleisaun antesipada, Koligasaun hat no lao mesak hat hanesan AMP, FDD, FDN, MDD no Parpol hirak ne’ebe lao mesak mak, FRETILIN, PD, PEP, PR.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here