Home dezenvolvimentu Loron Mundial Feto Importante no Istoriku

Loron Mundial Feto Importante no Istoriku

864
0
SHARE
Deputada Nurima Ribeiro Alkatiri. Photo: TTN/Hortencio Sanchez

By: Hortencio SANCHES

THETIMOR-NEWS.com, DILI – 8 Marsu hanesan loron ne’ebe espesial ba feto hotu iha mundu inklui Timor – Leste. Tanba ne’e, Deputada bankada FRETILIN Nurima Ribeiro Alkatiri hatete, loron mundial feto hanesan loron ida ne’ebe importante tebes istorikamente tanba iha tinan hirak liu ba kotuk nudar loron importante ba luta igualdade jeneru.

“Ohin loron importante tebes nune’e bele halo reflesaun ba susesu ne’ebe konsege atingi tiha ona durante luta ba igualdade jeneru ne’e lao, maibe halo reflesaun mos ba obstakulu ka dejafiu ne’ebe sei iha no ita sei infrenta atu nue’e bele atingi igualdade jeneru tanba to agora ita seidauk atigi iha ita nia rai nomos iha parte sira seluk iha mundu tomak,” dehan Deputada Nurima ba THETIMOR-NEWS, iha Farol Dili, Kinta (08/03/2018).

Maski Timor – Leste seidauk atingi igualdade jeneru, maibe ema hotu tenke hare, durante ne’e konsege hakat passu barak ba oin hanesan Parlamentu Nasional partisipasaun feto kuaze 38%.

“Timor – Leste seidauk atingi duni igualdade jeneru ida ne’e klaru tebes, maibe ita mos tenke rekoinese katak ita hakat passu barak ba oin tiha ona, ohin loron ita konsege reprezentatividadi bo’ot iha Parlamentu Nasional 38% husi feto ita konsege hare mos iha feto barak ne’ebe komesa koalia barak liu no iha mos mane balun  ne’ebe komesa koalia barak hodi defende igualdade jeneru hanoin ida ne’e importante tebes tanba presiza feto ho mane hamutuk hodi servisu ba ida ne’e, maibe iha buat barak mak ita presiza halo politika ne’ebe tenke implementa para apoiu hodi luta ba igualdade jeneru,” dehan Nurima.

Lider Jerasaun foun ne’e dehan, Timor – Leste presiza iha politika edukasaun ne’ebe sensivel ba jeneru atu eduka ema hotu bele kompriende diak liu tan valor feto nian hanesan ho mane.

“Hanoin ida ne’e sei lori tempu maibe, husi edukasaun ida ne’e mos mak bele atingi duni igualdade jeneru, tanba husi edukasaun mak bele muda ema nia hanoin no ema nia hahalok relasiona ho maluk feto sira,” dehan  lider jerasaun foun ne’e.

Alende ne’e, inan feton ne’e mos hato’o parabens ba feto hotu iha Timor – Leste no mundu tomak relasiona ho komemorasaun loron mundial ne’ebe ohin loron selebra, nune’e nia husu nafatin ba feto hotu atu halo reflesaun ba obstakulu saida mak idaidak hasoru no tenke hanoin mos feto ida sei la mesak hotu-hotu tenke hamutuk para kontribui ba igualdade jeneru no lori nasaun ne’e ba oin sai buras liu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here