Home dezenvolvimentu Assina Tratadu FM, Timor – Leste Hakarak Kadoras GSR Mai Kosta Sul

Assina Tratadu FM, Timor – Leste Hakarak Kadoras GSR Mai Kosta Sul

1636
0
SHARE
Ministro Adjunto Primeiro Ministro ba Delimitasaun Fronteira, Agio Pereira ho Ministra negosia Estarngeiro Australia Julie Bishop asina hela akordu Fronteira Maritima entre Timor - Leste no Australia iha Nova Iorke. Photo: Espesial

By: Hortencio SANCHES

THETIMOR-NEWS.com, DILI – Timor – Leste kontinua ejiji ba Australia atu respeita soberanu Maritima Timor – Leste nian, inklui  atu simu Timor – Leste nian hakarak hodi dada kadoras Greater Sun Rise (GSR) mai kosta Sul.

Ministro Adjunto Primeiro Ministro ba Delimitasaun Fronteira Agio Pereira hato’o lia hirak ne’e iha konferensia imprensa hamutuk ho Ministra Negosia Estangeiru Australia Julie Bishop iha Nova Iorke Estadu Unidus Amerika, Kuarta (06/03/2018) orasa EUA nian ne’ebe THETIMOR-NEWS assesu husi transmisaun direita husi media United Nations.

“Em prinsipiu Timor – Leste tuir nia Planu Dezenvolvimentu Estrateziku kontinua hakarak dada kadoras GSR mai parte kosta sul, kestaun ida ne’e Governu Australia simu no analiza hela teknikamente ho kompainia hodi hare ba kestaun ida ne’e, sei iha diskusaun tan entre nasaun rua,” dehan Agio Pereira.

Agio hatutan, benefisiu ba Timor – Leste bainhira kadoras GSR dada mai kosta sul no hare husi setor sosial ekonima nian laos fo deit benefisiu ba Timor – Leste maibe fo mos benefisiu ba Australia.

“Timor – Leste hare ba total populasaun iha deit 1.6 milioens kuaze 70% nudar foin sae, daudauk ne’e bele fo kampo traaballu ba Timor nune’e bele dezenvolve nasaun ne’e diak liu tan,” dehan Agio.

Tratadu ne’ebe ohin assina nudar kontinuasaun hodi renova tratadu antigun nian ne’ebe uluk hanaran CMATS, iha tartadu ida ne’e nasaun rua konkorda to 2013 la implementa bele koalia hikas, tanba ne’e Timor – Leste hakarak difini uluk kona ba Fronteira permanente taasi nian.

Assina akordu ne’e, Sekretariu Jeral  ONU Antonio Guterres sai hanesan sasin. Tanba ne’e, Timor – Leste sente onra bo’ot ba prejensa Antonio Guterres nian.

Nune’e, Timor – Leste konsidera Antonio Guterres hanesan kolega ida ne’ebe durante ne’e, fo kontribuisaun ba prosesu luta Timor – Leste nian.

Iha fatin hanesan Ministra  Julie hatetehatete, Governu Australia fo agradese ba komisaun konsiliasaun ne’ebe servisu ho independente to assina ona tratadu ne’e.

“Governu Australia hatene ona Fronteira Maritima ho Timor – Leste, maibe Australia mos husi Timor – Leste atu halo negosia Fronteira Maritima ho Indonezia, Australia mos espera komisaun konsiliasaun sei fo nia relatoriu ho analiza independente kona ba kestaun GSR,” dehan Ministra Julie.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here