Home dezenvolvimentu 6 Marsu, Loron Istoriku ba Fronteira Maritima Timor-Leste

6 Marsu, Loron Istoriku ba Fronteira Maritima Timor-Leste

873
0
SHARE
Ministro Adjunto Primeiro Ministro Delimitasaun Fronteira Agio Pereira no Ministra Negosia Estrangeiro Australia Julie Bishop asina hela akordu Fronteira Maritima entre Timor - Leste no Australia iha Nova Iorque. Photo: Espesial

By: Hortencio SANCHES

THETIMOR-NEWS.com, DILI – Timor-Leste nudar nasaun kiik iha Asia Sudestiku derepenti nia naran bo’ot iha mundu hafoin lori Australia ba Tribunal Internasional iha Den Haag, Olanda hodi luta ba nia fronteira maritima (FM) kontra Australia.

Hafoin halo konsiliasaun ho mediasaun hosi arbitrazem internasional, ikus Timor-Leste konsege halakon Australia hodi konkorda asina tratadu fronteira maritima entre nasaun rua ne’ebe offisialmente asina ona iha Nova Iorke, Estadu Unidos Amerikanu (EUA) loron 6 Marsu 2018 tuku 5 lokoraik ou loron 7 Marsu 2018 tempu Timor-Leste nian.

6 Marsu 2017, Timor-Leste hakerek tan nia istoria foun ba nia nasaun hafoin iha tinan rua resin, Negosiator Prinsipal ba Fronteira Maritima Timor-Leste nian, Kay Rala Xanana Gusmão konsege lori Timor-Leste no Australia ba meja negosiasaun hodi asina tratadu ba fronteira maritima nasaun rua ne’e nian.

Nova Iorke – EUA, sai sidade ne’ebe Timor-Leste ho Australia hili hodi sai fatin ba asina tratadu fronteira maritima nasaun rua nian ne’e, inklui lori Sekretariu Jeral Organizasoens Nasoens Unidas (ONU), Antonio Guterres sai mos ema importante hodi sai sasin ba asina tratadu ne’e.

Tuir ajenda, Adjuntu Primeiru Ministru no Ministru ba Delimitasaun Fronteira, Agio Pereira mak sei reprezenta Governu Timor-Leste hodi asina tratadu ne’e no Australia reprezenta hosi Ministra Negosiu Estranjeiru, Julia Bishop.

Timor-Leste internasionalmente hetan rekonesementu ba nia soberanu iha 20 Maiu 2002, hafoin iha 30 Agostu 1999 liu hosi referendum rejeita opsaun otonomia espesial ne’ebe Indonesia fo ba povu Timor-Leste ne’ebe hili dalan ukun rasik an.

Indonesia “obriga” Timor-Leste integra ba NKRI (Negara Kesatuan Republik Indonesia) liu hosi dalan invasaun militar iha 7 Dezembru 1975, loron 10 hafoin Timor-Leste proklama independensia Republica Democratica de Timor-Leste iha 28 Novembru 1975.

Antes ne’e, Timor-Leste moris iha tinan 450 nia laran iha kolonial Portugues.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here