Home nasional Abertura LFA Segunda Divizaun, Lalenok Hurlele Lero 6-1

Abertura LFA Segunda Divizaun, Lalenok Hurlele Lero 6-1

274
0
SHARE
Jogador husi FC Lalenok no FC Lero halo hela kontra atake ba malu iha kampo FFTL. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Klubu foun iha Segundu Divisaun Liga Futebol Amadora (LFA) 2018, FC Lalenok hahu nia debut furak hafoin hamoe klubu hosi Munisipiu Lautem, FC. Lero 6-1 iha Kampu Futebol FFTL Dili, Tersa (06/03/2018).

Jogador Lalenok hosi Brazil, Italo Pimentel sai man of the match versaun thetimor-news.com hafoin halo golu lima iha jogu refere ne’ebe nia halo iha minutu 11’, 24’, 27’, 43’, no 55′. Golu ida seluk Lalenok hetan hosi auto golu jogador FC. Lero ne’ebe halo hosi nia kapitaun jogu, Elkio Pinto iha minutu 22.

Golu ida FC. Lero nian hatama iha minutu 59 hosi jogador naran  Agustino.

Maski moe ho lakon bo’ot, Treinador FC Lero Felisberto Viera hatete, derota ne’ebe nia ekipa hetan harak ka lakoi sira tenke simu tanba hanesan faillansu bo’ot ida nune’e ba futuru sira sei hadia diak liu tan.

“Ba oin ami sei hadia frakeiza ne’ebe mak iha, maibe jogu tuir mai ami fiar katak sei hatudu rejultadu ne’ebe mak diak, ida ne’e hanesan jogu ba da-huluk no ba oin ami fiar katak sei diak liu tan,” Felisberto.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here