Home dezenvolvimentu PNTL Husu CNE Hato’o Prosedementu Kodiku Estarda ba Parpol

PNTL Husu CNE Hato’o Prosedementu Kodiku Estarda ba Parpol

100
0
SHARE
Membru PNTL Munisipiu Dili. Photo espesial

By: Fidelio RAMOS

THETIMOR-NEWS.com, DILI – Polisia Nasional Timor-Leste  (PNTL) liu husi unidade tranzitu rodaviaria husu Comisaun Nasional Eleisaun  (CNE) tenki hato’o Prosedementu kona ba kodiku estrada nian ba militante no simpatezante partidu politik ne’ebe partisipa iha kampainia eleitoral no eleisaun antisipada atu nune’e bele prevene dezastre.

“Ami mai halo inkontru ho  prezidenti CNE atu elabora deit regras no Prosedementu kodiku estrada nian hodi nune’e bele hato’o hela ba militante no simpatezante partidu ida-idak nian nune’e bele hatene  saida mak providu no saida mak la providu,” dehan Diretor Diresaun Nasional Seguransa Rodabiaria Superentendenti Asistensia Izmael Babo ba Jornalista hafoin remata sorumutu ho Prezidenti CNE Alcino Barris iha edifisiu CNE Caicol, Segunda  (05/03/2018).

Nia promote, PNTL liu husi unidade Tranzitu sei halo koperasaun diak ho CNE hodi hare ba regras estrada bainhira kampaina eleitoral hahu kareta no motor bainhira halo movimentu tenke tuir kodigu estrada nune’e bele salva ema nia vida.

Iha fatin hanesan komandante polisia tranzitu Antonio Soares akresenta, iha inkontru ho prezidenti CNE senti hanesan oportunidade diak ida tanba atu fahe informasaun kona ba regras tranzitu nian.

Nia hatutan, iha lei bandu ona militante no simpatezante bainhira partisipasi ba prosesu kampainia sei labele uza motor kanu resin.

“Tamba dalaruma bainhira ami halo servisu iha terenu militante balun la kumpri liu regras,” dehan Antonio Soares.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here