Home dezenvolvimentu Veteranus Optimista Xanana Sei Lori Tan Vitoria Mai TL

Veteranus Optimista Xanana Sei Lori Tan Vitoria Mai TL

223
0
SHARE

By: Hortencio SANCHES

THETIMOR-NEWS.com, DILI – 3 Marsu hanesan loron ne’ebe espesial ba Veteranus sira hotu iha Timor – Leste ne’ebe fo ona siara nia an hodi luta durante tinan 24 nia larn, to ohin loron Timor – Leste sai hanesan nasaun ne’ebe hamrik ho nia soberania rasik.

Maski luta ba libertasaun patria hotu ona maibe povu barak sei halerik ba moris diak ne’ebe seidauk hetan, maibe Timor – Leste iha rikusoin barak iha rai maran no tasi laran. Tanba ne’e, lider Kay Rala Xanana Gusmao no lider seluk tan la tur deit  iha fatin, sei didika nafatin sira nia an hodi luta dala ida tan atu fo vitoria  ba povu hotu liu husi negosiasaun Fronteira Maritima entre Timor – Leste no Australia hodi difini rikusoin sira iha tasi laran.

Veterana Cicilia de Jesus husi Munispiu Aileu husu ba lider karismatiku Kay Rala  Xanana Gusmao ne’ebe durante tinan 24 hamutuk ho lider sira seluk lori ona independensia mai Timor – Leste no dala ida tan husu atu lori tan kadoras mina rai mai Timor – Leste atu bele fo moris diak ba ema hotu nune’e bele goja duni independensia ne’e ho diak. Tanba ne’e nia optimista lider istoriku ne’e sei lori tan vitoria dala ida mai povu  Timor – Leste.

“Ami suporta naafatin ita nia maun bo’ot Xanana ne’ebe mak agora luta makas hela atu lori kadoras mina rai nian mai Timor – Leste, ne’eduni husu ita hotu atu suporta nafatin ba nia fiar katak kadoras ne’e sei mai duni ita nia rain,” dehan Veterana Cecilia ba THETIMOR-NEWS hafoin remata seminariu selebrasaun loron Veteranus nian iha, Sentro Konvensoes Dili (CCD red), Sexta (02/03/2018).

Negosiasaun Fronteira Maritima Timor – Leste no Australia hetan ona rejultadu pozitivu liu husi luta ne’ebe mak lider Xanana Gismao ho nia ekipa halo durante tinan hira nia laran.

Ho nune’e, Timor – Leste ho Australia sei asina akordu ba Fronteira Maritima iha 6 Marsu 2018 iha Nova Iorque.

Iha serimonia assina akordu ne’e, Timor – Leste Ministro Adjunto Primeiro Ministro ba Delimitasaun Fronteira Maritima Agio Pereira mak sei asina, Austraalia actual Ministra Negosio Estranjeiro Julie Bishp.

Alende ne’e, esplorasaun Greater  Sunrise seidauk iha solusaun no akordu ho Australia, nune’e mak Timor – Leste seidauk haloakordu kona ba Greater Sunrise maibe halo deit akordu ba Fronteira Maritima no akordu kadoras sei deskute fila fali iha tempu tuir mai nune’e bele lori mai Timor – Leste.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here