Home internasional PM Alkatiri La Partisipa Asina Akordu FM

PM Alkatiri La Partisipa Asina Akordu FM

1270
0
SHARE
Primeiru Ministro Mari Alkatiri, Photo: TTN/Jose Samuel

By: Hortencio Sanches

THETIMOR-NEWS.com, DILI – Hare’e ba Primeiru Ministru (PM) Australia, Malcom Turnball ne’ebe sei la hola prezensa iha asina akurdu tratadu Fronteira Maritima (FM) entre Timor-Leste ho Australia, PM Mari Alkatiri sei la hola parte mos iha istoria importante ba luta soberanu nasaun ne’e nian.

Tuir ajenda Timor-Leste ho Australia konkorda ona sei asina akordu tratadu FM iha Nova Iorqe – Estadu Unidos Amerikanu, iha 6 Marsu 2018.

Tuir Informasaun ne’ebe mak Thetimor-news assesu husi gabinete Prezidensia Konsellu Ministro katak, PM Australia Malcom Turnball sei la marka prezensa iha asina tratadu ne’e.

“Konteudu husi akordu ne’ebe mak sei halao entre Timor – Leste no Australia sei halao koalia liu kona ba delimitasaun Fronteira Maritima entre nasaun rua ne’e nian, sei la relasiona ba esplorasaun Greater Sun Rises,” hakerek komunikadu ne’e.

Iha serimonia assina tratadu ne’e, Governo Timor – Leste sei partisipa no asina hosi Ministro Adjunto Primeiro Ministro no Delimitasaun Fronteira Agio Pereira. Entertantu parte Australia nia sei asina no reprezenta hosi Ministra Negosia Estranjeiru, Julie Bishop.

Tuir informsaun ne’ebe iha Sekretario Jeral ONU Mak sei sai testemunia ba serimonia asinatura ne’e.

Hafoin nadaun rua ne’e asina tratadu ne’e, Parlamentu rai rua sei halo ratifikasaun.

Timor-Leste iha luta FM nian durante ne’e komanda deretamente hosi Kay Rala Xanana Gusmao, eis Komandante da FALINTIL no eis Prezidenti Republika e Primeiru Ministru Timor-Leste.

Kay Rala Xanana Gusmão, uniku Timoroan ne’ebe brani hasoru Governu Australia hodi deskusi hikas tratatu FM ne’ebe uluk asina hosi governu anterior wainhira lidera hosi PM Alkatiri.

Kay Rala Xanana Gusmão iha nia luta ba FM konsege loke matan internasional hodi apoiu mos ba soberania Timor-Leste ne’ebe hetan ona hosi Indonezia iha 1999 liu hosi dalan referendum.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here