Home dezenvolvimentu Komprimisiu VII Governu Lori Moris Diak ba Povu

Komprimisiu VII Governu Lori Moris Diak ba Povu

614
0
SHARE
Ministro Adjunto Primeiro Ministro. Jose Reis Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Daudauk ne’e, populasaun barak iha Timor laran tomak liu-liu kapital Dili sempre halerik ba be’e mos ne’ebe seidauk sufisiente ba sira. Tanba ne’e, Ministro Adjuntu Primeiru Ministro (MAPM) Jose Reis hatete, VII Governu iha komprimisiu  ne’ebe bo’ot atu lori be’e mos ba povu  tomak ho diak maibe hare ba situasaun ne’ebe difisil nune’e lebel atu rejolve hotu problema hirak ne’ebe komunidade sira infrenta.

“Agora hotu-hotu hatene ita iha situasaun ne’ebe difisil utiliza deit orsamentu duadesimu ita labele rejolve hotu preokupasaun hirak ne’e, maibe iha situasaun hirak ne’ebe mos mak ami tenta atu hadia tuir kapasidade,” dehan Ministro Jose Reis ba Jornalista iha edifisiu Palacio do Governo, Kinta (01/03/2018).

Relasiona ho preokupasaun populasaun sira balun iha Suku Manleuana munisipiu Dili tanba la assesu ba be’e mos, Ministro ne’e esplika, “Kestaun ida iha Manleu ne’e, problema ida ne’ebe bo’ot tanba udan ne’e mak provoka tama ba iha iha tanke larak sira tenke fakar sai hotu be’e foer hirak ne’ebe mak tama ba iha tanke laran, nune’e mak sei lori tempu para ense fila fali be’e mos ba iha tanke laran.”

Nune’e, nia mos fo hanoin ona ba Diretor  Agua no Saneamentu atu nune’e halo ispeksaun ida ne’ebe lolos atu bele preve situasaun ne’ebe mak akontese, atu nune’e populasaun sira iha area ne’eba bele assesu be’e mos ho diak.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here