Home dezenvolvimentu AMP Konsidera Governu Utiliza Sala Tempu Halo Politiku

AMP Konsidera Governu Utiliza Sala Tempu Halo Politiku

424
0
SHARE
deputadu bankada CNRT Arao Noe. Photo: Google

By: Hortencio SANCHES

THETIMOR-NEWS.com, DILI – Aliansa Mudansa ba Progresu (AMP) liu husi deputadu Arao Noe Amaral lansa kritika hasoru VII Governu ne’ebe lidera husi Primeiru Ministru (PM) Mari Alkatiri tanba, konsidera utiliza patrimonia estadu no loron servisu hodi uza ba halo aktividade politiku iha Munisipiu sira.

Tanba tuir observasaun ne’ebe mak nia iha, Governu ba iha munisipiu laos halo esplikasaun ba programa maibe mobiliza funsionariu publiku sira hodi koalia politiku iha oras servisu nian.

“Governu laos uza loron servisu nian hodi ba halo inkontru iha Munisipiu sira hodi koalia politika, ida ne’e hau husu para tau an uitoan ba, uluk hahu husi Governu AMP nian to mai iha bloku ne’e, imi ejiji dehan labele uza patrimoniu estadu nia para halo politiku labele kolai politiku iha tempu servisu maibe ita mak ba uza fali funsionariu sira ba halo politiku, agora se mak sala, hau hare mos funsionariu barak partesipa iha inkontru ne’ebe mak Governu halo iha munisipiu sira hodi viva tun sae ne’e,” dehan Arao Noe ba jornalista iha sala bankada CNRT Parlamentu Nasional, Kuarta (28/02/2018).

Antes ne’e, Prezidente Komisaun Funsaun Publiku Faustino Cardoso husu ba Funsionariu hotu labele utiliza internet iha tempu servisu hodi insulta Governu.

Nune’e Arao Noe hatete, KFP tenke servisu ho neutru hodi hatur buat ne’ebe mak los, bele bandu Funsionariu sira atu labele halo politiku iha oras servisu maibe tenke hare mos Governu ne’ebe utuliza Funsionariu hodi koalia politiku iha tempu servisu nian.

“Prezidente KFP koalia iha telivizaun katak, funsionariu sira labele utiliza internet hodi insulta Governu, ne’e los maibe KFP mos tenke hare, Governu utiliza Funsionariu sira hodi koalia politiku ne’e, KFP nia funsaun halo saida, hau husu nia tenke servisu ho neutru hodi hare buat hirak ne’e,” dehan Arao.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here