Home dezenvolvimentu Prosesu Resensiamentu iha Rai Liur CNE Kopera ho MNEK

Prosesu Resensiamentu iha Rai Liur CNE Kopera ho MNEK

151
0
SHARE
Prezidente CNE Alcino Barris koalia hela ho jornalista, husi sorin liman karuk Diretor Jeral STAE Acilino Branco, Photo: TTN/Jose Samuel

By: Hortencio SANCHES

THETIMOR-NEWS.com,  DILI – Prezidente Komisaun Nasional Eleisoes (CNE red) Alcino Barris informa, sira kordena ona ho Ministeriu Negosiu Estrangeiru (MNEK) nune’e bele halo  resensuamentu eleitoral iha nasun estrangeiru sira ho diak.

Nia hatete, daudauk ne’e sira nia koperasaun diak tebes, fiar katak sei bele reforsa diak liu tan servisu hirak ne’e ho susesu.

“Inkontru ne’ebe halo ho MNEK atu kordena kona ba resensiamentu iha rai liur, sira tenke aprezenta uluk dadus no halo kordenasaun uluk ho ita nia embaixador sira iha ne’eba atu nune’e sira bele fo hatene ba Timoroan sira iha  ne’eba tanba ne’e mak ami halo koperasaun diak teb-tebes ho MNEK atu bele ajuda prosesu ne’e, lao ho diak,” dehan Alcino Barris ba Jornalista iha edifisiu CNE Caicoli Dili, Tersa (27/02/2018).

Nasaun hirak ne’ebe  halo resensiamentu mak hanesan, Australia, Portugal, Koreia Sul no Inglaterra.

Tanba ne’e, iha reuniaun ne’ebe halo MNEK husu atu aumenta tan finanseiru no diplomata atu nune’e bele aselera lalais prosesu ne’e.

“Orsamentu ne’ebe fo apoiu atu halo resensiamentu ne’e, husi MNEK, apenas orsamentu ne’e laos iha MNEK nia kontrolu maibe orsamentu hirak ne’e konsentralijadu iha Ministeriu Planu Finansas, bainhira Ministeriu Finansas atu ezekuta osan ne’e, depende planu MNEK nian, kada embaixada tenke hatama planu asaida mak sira atu halo nune’e para nia bele aloka orsamentu, aloka osan ne’e tuir Sistema tanba osan duadesimu ne’e la henesan Sistema sira seluk tanba orsamentu ne’e rigurozu tebes halo ezekusaun,” dehan ema numeru ida iha CNE ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here