Home nasional Koligasaun Parpol Tenke Liu Husi CNE

Koligasaun Parpol Tenke Liu Husi CNE

219
0
SHARE
Prezidente CNE, Photo: Espesial

By: Hortencio SANCHES

THETIMOR-NEWS.com, DILI – Prezidente Komisaun Nasional Eleisoes (CNE red) hatete, bainhira partidu politiku ne’ebe hakarak halo koligasaun hamutuk hodi hakat ba eleisaun tenke liu uluk husi, CNE hafoin haruka ba Tribunal Rekursu.

“Koligasaun tenke liu husi CNE labele ba direitamente Tribunal Rekursu, bainhira ba direitamente Tribunal mak sira sei la simu tanba lei dehan tenke liu husi CNE, liu husi ami buat hotu hare ba los ona mak foin deside passa bainhira buat balun lalos ami sei la fo passa hodi fo fila fali ba partidu politiku sira,” dehan Alcino Barris ba Jornalista iha edidifiu CNE Caicoli Dili, Tersa (27/02/2018).

Nia esplika, bainhira Partidu koligasaun ne’ebe la satisfeitu ho dezisaun ne’ebe CNE foti bainhira prosesu ruma la tuir kriteira, sira bele  lori ba Tribunal Rekursu nune’e bele preve dezisaun  ne’ebe CNE foti ba sira.

Nia haktuir, oras ne’e daudaun ParPol hirak ne’ebe aprezenta an iha CNE foin Forum Demokratiku Dezemvolvimentu (FDD) kompostu husi partidu hat mak hanesan, PUDD, FM, PDN no UDT ne’ebe durante ne’e halo koligasaun hamutuk hodi avansa ba eleisaun antesipada.

Alende FDD iha mos ParPol balun maibe to ohin loron seidauk ba aprezenta an iha CNE  no tuir informasaun ne’ebe CNE hetan, Parpol hirak ne’e aprezenta direitamente ba Tribunal Rekursu, parte CNE fiar katak Tribunal sei la simu no haruka fila.

“PrPol sira seluk ne’ebe halo koligasaun seidauk mai aprejenta an iha ne’e, rona dehan sir aba hasoru direitamente Tribunal Rekursu, maibe Tribunal sei haruka fila liu husi CNE, tanba lei dehan katak lista kandidatura atu ema hirak ne’ebe atu ba tur iha Parlamentu Nasional ne’e mak ba direitamente iha Tribunal, 2012 amimak halo ida ne’e, maibe iha alterasaun ba lei No.2/2016 to No.9/2017 altera ttia buat ne’e hodi ba hotu Tribunal Rekursu hafoin haruka fila mai ami, ami haruka ba STAE hodi publika iha Jornal Republika,” dehan Alcino.

Tuir lei ne’ebe iha, durasaun ba Parpol sira atu aprezenta an iha CNE, iha loron 20 no lista kandidatura loron 30. Tanba ne’e sira nia parte sempre aviza hela deit no kuandu liu husi loron ne’e lei la fo dalan on aba ParPol atu halo aprezentasaun.

Iha eleisaun jeral 2017 Parpol hamutuk 21 mak kompte maibe partidu lima mak konsege hetan asentu iha Parlamentu Nasional.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here