Home dezenvolvimentu AMP Optimista TL Sei Hetan Vitoria Greater Sunrise

AMP Optimista TL Sei Hetan Vitoria Greater Sunrise

219
0
SHARE

By: Hortencio SANCHES

THETIMOR-NEWS.com, DILI – Aliansa Mudansa ba Progresu (AMP) liu husi deputadu Mericio Juvinal hatete, Timor – Leste sei hetan tan vitoria husi kadoras Greater Sunrise ne’ebe sei dada mai Timor – Leste liu husi negosiasaun Kay Rala Xanana Gusmao nian ne’ebe oras ne’e daudaun luta hela.

“Kadoras husi Greater Sunrise nia prosesu lao hela, ita hein uitoan tanba etapa pur etatapa labele ita haksoit, etapa primeiru mak Fronteira Maritima klaru ona, maibe atu dada Greater Sunrise mai Timor –Leste ita optimista no firme katak rikusoin ita nian hotu tenke mai iha ita nia rain,” dehan Mericio ba Jornalista iha Tribunal Rekursu Dili, Tersa (27/02/2018).

Tanba ne’e, nia fiar povu Timor – Leste hotu fo konfiansa hotu ba lider karismatiku Xanana Gusmao hodi luta nafatin atu lori Greater Sunrise mai Timor – Leste.

Durante ne’e, diskusaun kadoras Greater Sunrise entre Timor – Leste no Australia halo iha Kuala Lumpur Malazia durante loron tolu, hahu husi 19 Febreiru to 22 maibe la hetan rejultadu ne’ebe diak atu nune’e kadoras bele dada ba Australia ou mai Timor – Leste.

Hare ba rejultadu husi diskusaun ne’e seidauk iha akordu ne’ebe pozitivu, Timor – Leste no Australia sei assina deit akordu Fronteira Maritima ne’ebe mak sei halo iha 6 Marsu 2018, iha Nova Iorque.

Tuir deputadu ne’e, bainhira Timor – Leste no Australia deside ona Fronteira Maritima los ona la presiza halo tan goosia kona ba Greater Sunrise tanba rikusoin ne’ebe iha tasi Timor hotu ne’e Australia tenke rekoinese.

“Saida mak vizinu nian, vizinu nian, ita nian ita nian ne’e la presiza atu halo negosia,” dehan Acara.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here