Home dezenvolvimentu Governu Lansa Passaporte Elektroniku iha RAEOA

Governu Lansa Passaporte Elektroniku iha RAEOA

197
0
SHARE
Primeiru Ministru Mari Alkatiri tur husi klaran, Ministra Justisa Maia Angela Crascalao husi sorin los no Prezidente RAEO substituisaun Arceino Bano husi sorin karuk bainhira atu halo lansamentu ba passapote eletroniku iha RAEO, Photo: TTN/Hortencio Sanches

By: Hortencio SANCHES

THETIMOR-NEWS.com, Oe-Cusse – Governu liu husi Ministeriu Justisa halo ona lansamentu ba Passaporte eletronika iha Reziaun Administrativa Espesial Oe-Cuse Ambeno (RAEOA) atu nune’e bele fasilita komunidade sira  iha area ne’eba.

“Passaporte ida ne’e modern tebes ema atu halo falsu mos labele ne’eduni ita mos avansadu ona iha mundu so nasaun hitu ou ualu deit mak uza passaporte ne’e, agora lori mai Oe-Cuse tanba ne’e hanesan enclave bele mos assesu ba passaporte ne’e,” dehan PM Alkatiri ba Jornalista hafoin remata Lansamentu iha Ministeriu Justisa RAEO, Segunda (26/02/2018).

Nia hatutan, lansamentu ne’e hanesan mos meius ida hodi hametin liu tan ejistensia RAEO nian.

Iha fatin hanesan, Ministra Justisa Maria Angela Crascalao hatete, passaporte ne’ebe lansa kualidade ne’ebe diak tebes tanba nasaun uitoan deit mak uza iha mundu.

“Passaporte ida ne’e, ita bele dehan kualidade diak mos iha mundu laos iha Azia deit, passaporte ida ne’e mos sai VII lugar iha mundu,” dehan Ministra Maria Angela.

Alende ne’e, Prezidente RAEOA Substituisaun Arceno Bano hato’o agradese ba VII Governu ne’ebe bele desentraliza ona servisu hanesan passaporte eletroniku iha RAEO nune’e bele fasilita populasaun sira iha labele halai bebeik bat rata iha Dili.

“Ami agradese ba Governu bele desentraliza ona servisu mai Oe-Cuse atu reforsa tan dezenvolvimentu,” dehan Arceno Bano.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here