Home nasional Francisco Jeronimo Eleitu ba Prezidente FFTL

Francisco Jeronimo Eleitu ba Prezidente FFTL

1978
0
SHARE
Prezidente FFTL eleitu, Francisco Jeronimo. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – III Kongresu Nasional Federasaun Futebol Timor – Leste (FFTL) iha kandidatu nain tolu mak kandidata an ba Prezidente iha instituisaun ne’e, maibe rejultadu hatudu kandidatura Francisco Jeronimo mak hetan liu konfiansa hodi okupa iha kadeira numeru ida FFTL durante periudu ida nia laran hodi halakon Filomeno Fernandes Cabral no Osorio Florindo.

Liu husi votasaun sekretu Francisco Jeronimo pasa ho votus 11, Filomeno Cabral votus tolu no Osorio Florindo votus tolu.

Kongresista ne’ebe iha direitu atu ejerse direitu hodi vota iha kongresu ne’e mak assosiasaun sira hanesan, Dili Leste, Dili Oeste, Aileu, Ainaro, Baucau, Bobonaro, Covalima, Ermera,  Lauten, Likisa, Manatuto, Msanufahi, Manufahi, Oecuse, Viqueque, assosiasaun Femenino, Arbitrajen no Treinador hamutuk assosiasaun 17.

Alende ne’e, iha mos votasaun ba vise prezidente FFTL ne’ebe iha kandidatura hamutuk nain ualu hanesan, Abilio Tilman Cepeda, Alexo Cobra, Coronel Falur Rate Laek,Francisco Vicente, Germano da Silva, Joanico Soares Matias Saldanha Simao Babo.

Iha votus hanesan, Coronel Falur Rate Laek sai hanesan Primeiru Vixe Prezidente FFTL ho votus 15, Alexo Cobra sai hanesan segundu Vixe ho votus 14 no Germano da Silva hanesan Terseiru Vixe Prezidente.

Enkuantu iha mos votasaun ba membru ezekutivu hamutuk nain 11 mak hanesan, Angelo Lopes, Augusto Henrique, Coronel Henriqui da Costa, Domingos Gouveia, Eduardo Carvalho, Faustinho Gudinho, Manuel da Silva, Maria Terezinha Viegas, Mario Belo,Ricardino Sarmento, Simao Piedade.

Iha votasaun kandidatu nain hat mak derota husi membru ezekutivu FFTL tanba votus la to’o, hanesan kandidatu, Domingos Gouveia, Eduardu Carvalho, Manuel da Silva, Mario Belo.

Iha diskursu dahuluk eleitu hanesan Prezidente FFTL, Francisco Jeronimo hatete, konfiansa ne’ebe kongresista sira fob a nia laos buat ne’ebe fasil maibe buat  ne’ebe todan ba nia atu hadia FFTL sai diak liu tan.

“Fiar ne’ebe fo mai hau, mai hau ne’e laos atu buka servisu maibea atu responsabiliza ita hotu sei hamutuk atu halo diak ba FFTL, hahu husi assosiasaun to ezekutivu sira tomak ita sei servisu hamutuk atu lori bola tuir espetativa ema hotu nia hakarak,” dehan Francisco Jeronimo bainhira eleitu hanesan prezidente Federasaun iha Hotel Novu Turismo Dili, Sabado (24/02/2018).

Bainhira assume knar hanesan Prezidente nia nomeia mos Nelio Isac Sarmentu assume kargu hanesan Sekretario Jeral FFTL durante tinan hat.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here