Home nasional FFTL Hahu III Kongresu Nasional

FFTL Hahu III Kongresu Nasional

218
0
SHARE
Prezidente FFTL Osorio Florindo no Sekretariu Jeral Nelio Isac Sarmento husi leten no kraik membru ezekutivu FFTL, Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Federasaun Futebol Timor – Leste (FFTL) hahu halo kongresu Nasional ba dala tolu ne’ebe halo iha Hotel Novu Turismo Dili, Sabadu (24/02/2018) hodi hili lideransa masimu iha Federasaun ne’e.

Kongressu nasional FFTL ne’e, hetan partisipasaun hosi membru assosiasaun futebol 17 ne’ebe kompostu hosi munisipiu 13 (Dili iha rua, Dili Weste no Dili Oeste), plus assosiasaun futebol femenina, arbitrazem no treinador.

Alende ne’e, hetan mos partisipasaun husi reprezentante FIFA, AFC, reprezentante Federasaun Indonezia no seluk tan husi nasaun balun.

Iha kongresu ne’e, Kandidatu nain 3 ne’e maka, Francisco Geronimo atual vise prezidenti FFTL ne’ebe troka kandidatu Francisco Kalbuadi Lay ne’ebe rezigna an hosi nia kandidatu maski hetan apoiu hosi membru assosiasaun futebol munisipiu balun hodi kontinua lidera federasaun ne’e. Alende Francisco Geronimo, Osorio Florindo atual prezidenti interinu FFTL no mos Sekretariu Estadu Desportu Alta Kompetisaun ne’e mos avansa hafoin hetan konfiansa mos hosi membru assosiasaun sira hodi kompete iha kargu prezidenti FFTL nian ne’e. Legendariu futebol Timor-Leste tempu Portugues no Indonezia, Filomeno Cabral Fernandes mos avansa ba kandidatura nudar prezidenti FFTL, hafoin hetan mos apoiu hosi membru assosiasaun balun.

Dezemvolvimentu futebol Timor-Leste durante ne’e iha lideransa Prezidenti Francisco Kalbuadi Lay lori duni mudansa no progressu bo’ot, no mos iha kontinuasaun prezidenti interinu Osorio Florindo.

FFTL lidera husi Francisco Kalbuadi Lay konsege lori Timor-Leste tama ba FIFA no  AFC ho mos AFF no partisipa ona atividade tomak internasional nian, inklui jogo internasional hanesan pra kualifikasaun Copa Mundial, Kualifikasaun Copa Azia, Kualifikasaun AFF.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here