Home dezenvolvimentu Xanana Husu Kuadrus AMP Labele Ameasa Populasaun

Xanana Husu Kuadrus AMP Labele Ameasa Populasaun

219
0
SHARE
Lider karismatiku Timor - Leste, Kay Rala Xanana Gusmao. Photo: Espesial

By: Hortencio SANCHES

THETIMOR-NEWS.com, DILI – Prezidente Partidu CNRT Kay Rala Xanana Gusmao husu ba kuadrus Aliansa Mudansa ba Progresu (AMP) hotu labele halo intimida ou ameasa ba populasaun no militantes husi partidu seluk iha kampaina eleisaun antesipada.

Lider masimu Aliansa Mudansa ba Progresu, Kay Rala Xanana Gusmao. Photo: Espesial

“Kuadrus tomak AMP nian labele halo amesa ba populasaun, labele husu no labele simu osan husi se deit, se ema ruma mak hakarak hakbesik an hodi hakarak foosan hanesan ajuda ba AMP iha obrigasaun atu fo hatene ba estrutura nasional iha ne’eba, mak departementu finansas AMP nian bele simu no asina kedas resivu,” dehan Lider numeru ida iha AMP ne’e, liu husi video ne’ebe ekipa media CNRT nian loke iha konferensia nasional AMP iha Centro Convencoes Dili (CCD), Kinta (22/02/2018).

Nune’e, nia husu ba AMP atu tenke esforsu an makas hodi hatudu katak partidu Koligasaun AMP diferente duni iha hanoin, liafuan no hahalok.

“Kona ba akordu koligasaun hodi it abele hato’o, tuir lei ba instituisoes ne’ebe sei tau matan halo verefikasaun no fo legitimidade ba ita nia propojitupolitiku, kona ba kuota iha persentajen ba partidu ida-idak tuitr dezisaun ne’ebe hasai tiha on aba lista uniku,” dehan lider karismatiku ne’e.

Alende ne’e, lider istoriku ne’e fo sai mos lista uniku ne’ebe mak kandidatu ba membru Parlamentu husi numeru ida to tolu mak hanesan, 1 Kay Rala Xanana Gusmao, 2 Taur Matan Ruak Prezidente PLP, 3 Armanda Berta Prezidente KHUNTO.

Tuir lista ne’ebe mak fiksu ona kandidatu total husi lista uniku ne’ebe kompostu husi partidu 3 ne’e hanesan, CNRT iha kandidatura 19, PLP 18 no KHUNTO 18.

Maski numeru ba kandidatura fo sai ona maibe partidu seidauk fo sai kandidatura hirak ne’e nia naran lolos ba publiku.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here