Home dezenvolvimentu CNRT Derota Iha Munisipiu, Kandidatu PN Tenke Rjigna An

CNRT Derota Iha Munisipiu, Kandidatu PN Tenke Rjigna An

257
0
SHARE
Lider Masimu Kay Rala Xanana Gusmao. Photo: Spesial

By: Hortencio SANCHES

THETIMOR-NEWS.com, DILI – Prezidente Partidu CNRT Kay Rala Xanana Gusmao apelu no hasai rejolusaun ba kuadrus CNRT hotu bainhira iha eleisaun partidu nia numeru votante la aumenta, naran ne’ebe tama iha lista kandidatura tenke rejigna an atu nune’e bele fo fatin ba ema seluk.

“Kuadrus se deit no husi ne’ebe deit, mak simu ona konfiansa partidu nian atu tama ba iha lista Parlamentu karik rejultadu eleisoes iha fatin(Munisipiu ka postu adminisadministrativen hatdu katak partidu la aumenta numeru votantes ka partidu lakon,” dehan ema numeru ida iha CNRT liu husi komunikadu imprensa no video ne’ebe THETIMORNEWS asesu, Kinta (22/02/2018).

Lider karismatiku ne’e afirma, bainhira ema ne’ebe mak partidu fo fiar ba tur iha Parlamentu Nasional atu reprezenta povu Timor tomak ne’ebe fo fiar ba partidu.

Alende ne’e nia husu ba kuadrus CNTR hotu atu haburas esperitusimplisidade no hamoris pratika kritika no auto kritika iha partidu laran.

“Ita tenke hakiak kultura respeita malu,  respeita opiniaun maluk seluk nian paara hametin kultura diferensa opiniaun iha partidu laran, rekoinese ita nia sala mak ita bele kontribui diak liu tan ba hametin no habo’ot ita nia partidu,” dehan Xanana.

Tanba ne’e mak CNRT halo konferensia ida ne’e, atu  soe tia individualism no halakon mos obsesionismu iha partidu laran.

“Halakon tiha iha ita nia let, atetudes defende an deit hodi buka hatene rona malu  diskuti ho kakutak no laran malirin tanba partidu tenke hatudu katak interese  povu nian as liu  ida-idak nia interese,” dehan lider istoriku ne’e.

Enkuantu hare ba situasaun politiku ne’ebe oras ne’e lao namanas hela iha Timor – Leste maibe povu kria nafatin estabilidade no paz, lider karismatiku ne’e fo obrigadu ba povu Timor tomak tanba hatudu ona ba mundu katak povu agora matenek ona.

Nune’e nia kontente mos bainhira povu Timor – Leste koinese didiak ona valores demokrasia ne’ebe oras ne’e lao hela.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here