Home dezenvolvimentu TL Independensia Tanba Frente Hirak Ne’e Hamutuk

TL Independensia Tanba Frente Hirak Ne’e Hamutuk

136
0
SHARE
Abilio Araujo, Jerasaun 1975. Photo: TTN/Jose Samuel

By: Hortencio SANCHES

THETIMOR-NEWS.com, DILI – Lider 1974-1975 Abilio de Araujo hatete, nia parte la konkorda no satisfas ho ema balun ne’ebe oras ne’e daudaun komesa halo manobra tun sae hodi koalia atu fahe lider istoriku sira hanesan Frente Armada kontra Frente diplomasia. Tanba ne’e nia dehan bainhira Timor – Leste hetan independensia tanba Frente hirak ne’e hamutuk.

“Frente Externa ho Frente Interna hamutuk mak ohin loron ita nia rain ne’e hetan ukun rasik an, ohin loron ne’e, hau kontra makas ema hirak ne’ebe hakarak atu fahe lider hirak ne’e, primeiru tanba sira la respeita ona lider istoriku sira hau mos lafiar bainhira lider istoriku sira ne’e atu fahe malu,” dehan fundador FRETILIN ne’e, hafoin remata sorumutu ho Xefe Governu Mari Alkatiri iha Palacio do Governo, Kuarta (21/02/2018).

Nia hatutan, maski lider hirak ne’e iha politiku ne’ebe la hanesan maibe objetivu ida deit hakarak lori nasaun ne’e ba futuru ida ne’ebe diak liu husi dezenvolvimentu ne’ebe oras ne’e daudaun lao namanas hela.

Antes ne’e, liu-liu iha media sosial sira hanesan Facebook iha ema individu balun ne’ebe sempre halo insulta hasoru lider bo’ot sira hanesan Kay Rala Xanana Gusmao, Mari Alkatiri, Jose Ramos Horta no seluk tan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here