Home dezenvolvimentu KAK Aprezenta Relatoriu Servisu ba PM Alkatiri

KAK Aprezenta Relatoriu Servisu ba PM Alkatiri

273
0
SHARE

By: Hortencio SANCHES

THETIMOR-NEWS.com, DILI – Komisaun Anti Korupsaun (KAK) liu husi Komisariu Aderito Tilman hasoru malu ho Primeiru Ministro (PM) Mari Alkatiri hodi aprezenta servisu ne’ebe mak sira halo iha 2017 liu-liu parte kombate korupsaun iha Timor – Leste.

Komisariu Komisaun Anti Korupsaun (KAK), Aderito Tilman. Photo: Espesial

“Ohin ami informa servisu durante ne’e ba PM, kona ba kazu korupsaun liu-liu kriminalidade ne’ebe durante ami investiga iha 2017 ne’ebe hetan delegasaun kompetensia husi Ministeriu Publiku (MP) hamutuk 28 ne’ebe to 31 Dezembru ami konsege finaliza kazu korupsaun hamutuk 24,” dehan  Aderito hafoin remata sorumutu ho Xefe Governo Alkatiri, iha Palacio do Governo, Kuarta (21/02/2018).

Nia haktuir, kazu 24  ne’ebe finalize mak hanesan, krimi pekulatu, partisipasaun ekonomia no negosiu, abuzu poder no krimi sira hanesan fraudi fiscal.

Enkuantu, husi kazu hirak ne’e, estadu Timor – Leste prezuiju osan hamutuk 1.5 millaun dolar Amerika.

Antes ne’e, media balun publika sai ona osan estadu nian hamutuk Biliaun ida mak lakon no la hatene paradeiru iha ne’ebe. Tanba ne’e komisariu ne’e klarifika informasaun ne’ebe publika lalos tanba osan ne’ebe przuiju hamutuk 1.5 millaun laos Biliaun ida.

Nia informa mos katak, iha eis membru Governu balun mak sira nia parte halo ona investigasaun tanba komete iha korupsaun durante assume pasta hanesan membru Governu iha tinan hirak liu ba.

“Iha balun mak ami halo ona investigasaun, hau lakoi temi dehan membru Governu ka lae, balun ba hanesan arguidu balun mos ba hanesan testamuina, tratamentu ba sira ne’e hanesan laiha ida dehan Ministru, atutoridade  publiku ne’ebe komete iha korupsaun ita tenke halo investigasaun,” dehan Komisariu Aderito.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here