Home dezenvolvimentu Governu Seidauk Foti Dezisaun ba Investimentu Sub Marino

Governu Seidauk Foti Dezisaun ba Investimentu Sub Marino

121
0
SHARE

By: Hortencio SANCHES

THETIMOR-NEWS.com, DILI – Daudauk ne’e, kompainia balun husi estrangeiru hatam ona dokumentu ba Governu atu nune’e bele foti dezisaun ba sira atu monta kabu sub marinu husi Indonezia mai Timor – Leste nune’e bele fasilita diak liu tan rede internet ho lais liu.

Sekretariu Estadu Konsellu Ministru no Komunikasaun Sosial (SEKMKS) hatete, Timor – Leste presiza duni lina internet ida ne’ebe ho rapidu tanba  oras ne’e daudaun mundu avansadu liu ona. Tanba ne’e Governu sei tetu didiak hafoin foti dezisaun hafoin kompainia hirak ne’e halo investimentu.

“Investimentu kabu sub marino figura optiku nian iha kompainia rua husi Indonezia mak aprezenta mai Governu atu nune’e, oinsa bele tau fiu husi tasi okos nian atu nune’e bele fasilita diak liu tan ita nia rede internet, maibe Konsellu Ministru (KM) akompaina projetu hirak ne’e no ita seidauk iha dezisaun klaru ba ida ne’e,” dehan SEKMKS Matias Boavida ba Jornalista hafoin remata reuniaun KM, iha Palacio do Governo, Kuarta (21/02/2018).

Kompainia rua ne’ebe, hatam ona projetu ne’e mak hanesan, Telin no Moratelindu husi Indonezia.

Enkuantu iha aprezentasaun kompainia rua ne’e hato sira nia esplikasaun kona ba vantazen no dezvantazen husi investimentu ne’e.

Tuir planu ne’ebe kompainia 2 ne’e iha, Telin hakarak dada kabu sub marinu husi Atambua mai Dili no Moralindu hakarak dada husi Alor mai Dili, alende kompainia rua ne’e iha mos kompainia balun husi Australia mos hakarak hatama hotu dokumentu ba Governu atu kompete iha investimentu refere.

Daudauk ne’e, Timor – Leste assesu lina internet liu husi komapainia tolu hanesan Timor Teleko, Telekomcel no Telemor ne’ebe ofrese liu husi satellite ne’ebe monta husi leten.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here