Home dezenvolvimentu PM Alkatiri: Ita Tenke Loke Dalan ba Dezenvolvimentu

PM Alkatiri: Ita Tenke Loke Dalan ba Dezenvolvimentu

565
0
SHARE
Primeiru Ministru Mari Alkatiri uza hela ropa servisu konstrusaun nian bainhira atu halo lansamentu ba fatuk dahuluk konstrusaun edifisiu foun, Fakuldade Enjeneria Siensia Teknika (FEST) Hera. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Xefe Governu Mari Alkatiri hatete, atu halo dezenvolvimmentu atu lao diak liu iha Timor – Leste parte hotu tenke loke an no labele halo diskriminasaun ba malu.

“Dalan ba Dezenvolvimentu ita tenke loke nafatin, labele halo diskriminasaun ba se deit,” dehan Primeiru Ministru (PM) Alkatiri bainhira halo diskursu iha serimonia lansamentu fatuk dahuluk edifisiu Fakuldade Enjeneria Siensia Teknolojia iha Hera, Tersa (20/02/2018).

Primeiru Ministru Mari Alkatiri, suru hela masa atu tau ba rai kuak ne’ebe ke’e ona hodi hatun fatuk dahuluk konstrusaun FEST ne’ebe halo iha Hera. Photo: TTN/Hortencio Sanches

Enkuantu, konstrusaun ba edifisiu bo’ot ne’e, ajuda gratuita husi Governu Japaun, PM Alkatiri hato obrigadu tanba bele ajuda ona dezenvolvimentu Timor – Leste nian iha area barak maibe liu-liu iha area edukasaun.

“Obrigadu barak ba Governu Japaun liu husi embaxador Hirosihi tanba iha koperasaun diak tebes ho Timor – Leste liu-liu iha area enjeneria,” dehan PM Alkatiri.

Nune’e, nia haktuir mos bainhira 2003 no 2004 nia parte sei assume knar hanesan PM iha I Governu Konstitusional, nia duni mak halo inagurasaun ba edifisiu hirak ne’ebe agora FEST utiliza hela daudaun maibe buat hiran ne’ebe iha nia oin hanesan futuru no kotuk sai nia pasadu.

“Ohin hau fila mai asumi nafatin hau nia kargu ida uluk hanesan Primeiru Ministru asisti saida mak atu sai futuru signifika katak dinamika dezenvolvimentu  mak ida ne’e,” dehan PM Alkatiri.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here