Home dezenvolvimentu Japaun Oferese 21 Millaun ba Konstrusaun Edifisiu FEST

Japaun Oferese 21 Millaun ba Konstrusaun Edifisiu FEST

330
0
SHARE

By: Hortencio SANCHES

THETIMOR-NEWS.com, HERA – Governu Japaun liu husi nia embaxador iha Timor – Leste Hiroshi Minami finansia projetu konstrusaun ba eskola Fakuldade Enjeneria Siensia no Teknolojia (FEST) husi Universidade Nasional Timor – Leste (UNTL) iha Hera ho osan 21 Millaun.

“Apoiu ne’ebe mak ami fo  atu melloria ambiente aprendizajen ba estudante sira no peskizador universidade nia, atu nune’e bele lori dezenvolvimentu industria rekursu umanu sira iha Timor – Leste,” dehan embaxador Japaun iha Timor – Leste Hiroshi Minami iha nia diskursu hatur fatuk dahuluk ba projetu konstrusaun edifisiu foun FEST Hera, Tersa (20/02/2018).

Nia hatutan, Japaun durante ne’e halo ona promesa hodi tulun Governu Republika Demokratika Timor – Leste (RDTL) iha prosesu dezenvolvimentu ne’ebe oras ne’e daudaun lao hela.

Ho apoiu ne’ebe mak iha fiak katak ba oin UNTL liu-liu fakuldade FEST sei sai diak  liu tan tanba iha ona fatin ne’ebe seguru atu estudante sira aprende.

Atu hanoin hikas fali iha tinan 2016Governu Timor – Leste no Japaun halo ona asina nota ofisial ida kona ba koperativa ajuda gratuita hodi dezenvolve edifisiu foun ne’ebe oras ne’e daudaun halo daudaun.

Konstrusaun ne’e sei kaer husi kompainia Rinkai Nissan Constrution, Ltd, Ogawa Seiki Co, Ltd mak sei suplai ekipamentus, alende ne’e sei hetan mos supervizaun husi Consortium of Yamashita Sekkei Inc. No Intem Consulting, Inc.

Konstrusaun ne’e, sei halo durante tinan ida resin hahu husi agora sei finalize iha Jullu 2019, parte ne’ebe konstroi mak hanesaan, sala de aula, biblioteka, salaun, laboratorium no sala ne’ebe nesesariu ba departamentu 5.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here