Home dezenvolvimentu Ró Haksolok Sei Mai Iha Tempu Besik

Ró Haksolok Sei Mai Iha Tempu Besik

416
0
SHARE
Vixe Ministro Dezenvolvimentu Transporte Komunikasaun, Inacio Morreira. Photo: Espesial

By: Hortencio SANCHES

THETIMOR-NEWS.com, DILI – Vixe Ministro Dezenvolvimentu Transporte Komunikasaun (VMDTK) Inacio Morreira hatete, Ró Haksolok sei mai iha tempu besik no oras ne’e daudak Governu sei prepara hela fatin tanba Ró refere nia odamatan la hanesan Ró baibain.

Governante ne’e promete, hakarak ka lakoi iha tinan ida ne’e nia laran Ró Haksolok to’o ona iha Timor – Leste.

“Ita nia Ró Haksolok ne’ebe halo iha Portugal ninia ramp door dezenu ne’e husi fali sorin, laos oin ka kotuk tanba ne’e mak ida ne’e halo dezembarka ba iha ita ninia portu ne’e la diak, tanba bainhira tasi tun liu ne’e nia sae fali no tasi sae as liu nia tun fali nune’e la dun diak,” dehan Vice Ministro Inacio Morreira ba Jornalista iha Farol Dili, Segunda (19/02/2018).

Nia informa tan, Ponte movel ne’ebe atu harii iha ona prosesu aprovizionamentu iha Komisaun Nasional Aprovizionamentu ne’ebe oras ne’e daudaun halo hela avaliasaun ba kontrator sira ne’ebe atu kaer obra ne’e.

“Fulan oin hanesan ne’e, ita bele halo ona konstrusaun, hanoin katak konstrusaun ne’e la kleur bele han tempu fulan 5 ou 6 hanesan ne’e, orsamentu ba konstrusaun ne’e hamutuk 4 milioens,” dehan Inacio Morreira.

Ró Haksolok Timor – Leste sosa ho osan € 13,7 ho kapasidade tula ema 377 no viatura kareta sanulu resin lima inklui sasan seluk tan.

Ró ne’e, hetan ona bensaun husi esis Bispu Diosese Dili, Dom Carlos Filipe Ximenes Belo iha 26 Maiu 2017, iha sidade Figuera Portugal.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here