Home dezenvolvimentu PM Alkatiri: TL Labele Depende ba Fundu Minarai

PM Alkatiri: TL Labele Depende ba Fundu Minarai

389
0
SHARE
PM Mari Alkatiri. Photo: TTN/Jose Samuel

By: Hortencio SANCHES

THETIMOR-NEWS.com, MANATUTO – Xefe Governu Mari Alkatiri hatete, Timor – Leste labele defende deit ba fundus husi mina rai, maibe tenke tau importansia ba setor hotu atu nune’e bele garante ekonoma iha tempu naruk tanba mina rai to tempu sei maran.

“Programa VII Governu nian atu tau importansia ba problema oin-oin ne’ebe mak iha, atu lori reativa fila fali ita nia agrikultura, se ita nia ekonomia depende nafatin deit ba mina rai la tau importansia ba setor sira seluk, aban bairua mina hotu ita mos hotu, nune’e hakarak ka lakoi agora ita tenke investe makas iha setor sira seluk,” dehan Primeiru Ministro (PM) Mari Alkatiri bainhira halo dialogu ho komunidade munusipiu Manatotu, iha salaun parokial S. Antonio Manatuto Vila, Sexta (16/02/2018).

Daudauk ne’e, povu Timor – Leste barak moris depende ba agrikultura. Tanba ne’e VII Governu avansa ho nia programa atu dezenvolve setor ne’e sai produtivu tebes hodi lori reseitas bo’ot ba falia hotu no ba estadu.

“Programa ne’e klaru tebes atu reativa setor sira laos agrikultura deit, edukasaun, turismu, saude no seluk tan ne’ebe presiza atu dezenvolve ho diak,” dehan PM Alkatiri.

Alende ne’e, nia esplika programa refere fo apoiu makas mos ba negosiasaun Tasi Timor atu nune’e kria alta autoridade  ida hodi nune’e bele hatene lolos fronteira tasi Timor – Leste ho nasaun vizinu sira.

“Prosesu negosiasaun Tasi nian agora lao daudaun hela komesa hetan ona rezultadu diak uitoan, maibe sei kontinua lao nafatin, ita halo negosiasaun tasi ne’e laos deit ho Australia, tuir mai tenke halo mos ho Indonezia iha tasi mane mos tenke halo negosia ho sira husi tasi feto mos tenke halo negosia tanba pulau barak mak besik los ita ne’e, negosiasaun ida ne’ebe susar tebes tanba ita ne’e iha klaran atu alkansa objetivu sira ne’e tama hotu iha programa ne’e nia laran maibe rejeita tiha,” dehan PM Alkatiri.

Nia hatutan, bainhira halo negosiasaun ho Indonezia dahuluk tenke hakotu tia negosiasaun fronteira rai maran hafoin hakat ba tasi.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here