Home nasional Nicolao Lobato Mak Haruka Horta, Alkatiri no Rogerio ba Rai Liur

Nicolao Lobato Mak Haruka Horta, Alkatiri no Rogerio ba Rai Liur

4286
0
SHARE
Membru Governu dahuluk Timor-Leste iha tempu 1975. Entre sira ne'e, iha fotografia laran sei moris Mari Alkatiri, Jose Ramos Horta no Rogerio Lobato. Photo: google.com

By: Hortencio SANCHES

THETIMOR-NEWS.com, MANATUTO – Eis Prezidente Republika 2007-2012 Jose Ramos Horta esplika katak, iha reuniaun konsellu ministru dahuluk 1975, Primeiru Ministru Nicolau Lobato mak haruka nia, Mari Alkatiri no Rogerio Lobato ba rai liur hodi halo diplomasia.

“Ami ba liur hodi halo diplomasia, deside husi Nicolau Lobato ne’ebe hatudu liu husi nia matenek, hodi deside Mari (Alkatiri), Horta, Rogerio Lobato imi nain 3 ba liur, nia hatudu Horta o ba Nova Iorque, organiza ONU, Mari ba Mocambique para mobiliza sira iha ne’eba, imi nain rua halo diplomasia hodi taka dalan ba diplomasia Indonezia sira, Rogerio Lobato o ba buka kilat dezisaun sira hotu mai husi Nicolau Lobato,” dehan Horta bainhira akompaina Primeiru Ministro Mari Alkatiri halo dialogu ho komunidade Munisipiu Manatuto, iha salaun parokial S. Antonio Manatuto, Sexta (16/02/2018).

Nia haktuir, iha momentu ne’eba Mari Alkatiri hanesan Ministro Estadu Para Asuntu Politiku hanesan mos Nicolau Lobato nia liman los no nia hanesan Ministro Negosiu Estranjeiru.

Nune’e, nia husu ba publiku liu-liu foinsae sira atu labele koalia arbiru hodi fahe lider sira, prosesu luta Timor – Leste naruk no riku tebes tanba ema hotu ho istoria ne’ebe la hanesan, maibe frente hira ne’e hamutuk mak ohin loron Timor – Leste hetan ukun rasik an.

Tamba ne’e, iha eleisaun antesipada, Horta ne’ebe asumi kargu Ministru Konselleiru Seguransa Nasional iha governasaun VII Governu Konstitusional ne’ebe lidera hosi PM Mari Alkatiri, husu ba povu Manatuto atu vota ba FRETILIN.

“Ohin hau husu ba povu Laklo vota ba FRETILIN, tanba maun Mari lao ho programa ida diak tebes,” dehan Horta.

Dadauk ne’e, publiku no partidu balun koko atu haketak lider istoriku sira hodi fahe ba Frente Diplomasia kontra Frente Armada, Lauriadu Novel da Paz ne’e husu, diak liu aprezenta programa labele lori istoria hodi hatun malu tanba istoria liu ona agora atu  lori nasaun no povu ba oin ho dezenvolvimentu.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here