Home dezenvolvimentu MDG Dezastre Bo’ot ba Povu

MDG Dezastre Bo’ot ba Povu

840
0
SHARE
Primeiru Ministro Mari Alkatiri hato hela diskursu bainhira halo lansamentu ba ekipamentu tekniku levantamentu dadus ba habitasaun, iha salaun Ministeriu Dezenvolvimentu Habitasaun Ordenamentu Ambiente. Photo: Dok/Maya Gusmao.

By: Hortencio SANCHES

THETIMOR-NEWS.com, DILI – Primeiru Ministro (PM) Mari Alkatiri hatete, prozetu Milenium Development Goals (MDG)  ne’ebe kria husi Governu anterior hanesan dezastre bo’ot tanba halo uma ba povu laiha kualidade no laiha planu ne’ebe diak.

“MDG ne’e, dezastre bo’ot ida, tanba habitasaun ba povu tenke partisipasaun povu nian atu harii sira nia uma, labele ita ba halo mak intrega deit xave ba povu ida ne’e so ita halo iha sidade, maibe fofo ita tenke halo indentifika uluk lai ba populasaun sira iha ne’eba nia moris loro-loron ne’e saida atu nune’e labele halo difikuldade tan ba sira,” dehan PM Alkatiri  iha nia diskursu bainhira halo lansamentu ba ekipa tekniku ba levantamentu dadus ba Habitasaun, iha edifisiu Ministeriu  Dezenvolvimentu Habitasaun Ordenamentu Ambiente, Palapasu Dili, Kinta (15/02/2018).

Vixe Ministro Dezenvolvimento Habitasaun Ordenamentu Ambiente, Abrao Gabriel Oliveira. Photo: TTN/Hortencio Sanches

Iha fatin hanesan, Vixe Minstro Dezenvolvimentu Habitasaun Ordenamentu Ambiente Abrao Gabriel Oliveira afirma, servisu ne’ebe mak dadauk ne’e sira halo hanesan todan id aba sira maibe hakarak ka lakoi tenke simu no hatutan buat hirak ne’ebe durante ne’e Governu anterior husik hela.

“Ita hare prozetu MDG ne’e kuaje buat hotu la dun tuir saida mak iha, politika los maibe tekniku mak sala ladun diak, ita hare rejultadu ne’ebe mak iha hatudu uma hirak ne’e iha fatin barak mak abandona,” dehan Abrao.

Nia haktuir, uma MDG hirak ne’ebe mak abandonadu hamutuk 438 no 441 kompania husik hela no uma hirak ne’e konstroi ho osan  48 miloens.

Durante ne’e, diresaun ne’ebe nia lidera forma ona grupu hamutuk 9 hodi tun ba suku sira hotu iha teritoriu Timor laran tomak atu bele identifika prozetu hirak ne’ebe lao laiha kualidade no abandona, grupu refere hamutuk ema 49 grupu ida ema nain 5.

“Ami nia ekipa tun on aba karik kuaze sa tama suku, kuaze 30 Suku ma kami tama ona hatudu momos ona katak implementasaun ne’ebe durante ne’e halo la diak duni, nune’e habitasaun ne’e importante duni,” dehan Abrao.

LEAVE A REPLY

Please enter your comment!
Please enter your name here