Home dezenvolvimentu Aintahu Kria Amizade Liu Husi Konsertu Muzika

Aintahu Kria Amizade Liu Husi Konsertu Muzika

95
0
SHARE
Giovania dos Santos Meilana "LANA" hananu hela muzika bainhira partisipa iha eventu konsertu muzika ne'ebe kria husi grup Aintahu hodi selebra loron Valentine Day Photo: TTN/Alarico Pereira

By: Hortencio SANCHES

THETIMOR-NEWS.com, DILI – Valentine Day ou loron domin nian neebe monu iha 14 Fevereiru, loron ida ne’ebe ema hotu hein, espesialmente jovem sira hodi bele expresa sira nia sentimentu ba ema ne’ebe nia hadomi. Loron domin nian ne’e mak lori grupu Ain-Tahu ne’ebe halibur an iha Bairo Perumnas, Suku Bairo Pite, Dili ho kreatividade realiza konsertu muzikal hodi anima komunidade sira iha Suku Bairo Pite.

Grupu husiAintahu hananu hela iha palku leten hodi selebra loron Valentine Day. Photo: TTN/ Alarico Preira

Ho tema konsertu Ksolok Loron Domin, hela ho imi, hakmatek ho ita ba dalan dame lori duni komunidade rihun resin konsentra iha estrada triangula Bairo Pite, maski udan bo’ot la hases sira nia an hosi fatin konsertu.

Alarico de Jesus Pereira hanesan kordenador masimu ba eventu ne’e hatete, durante ne’e, Joventude Bairu-Pite ema sempre akuza hanesan kriminozu ba konflitu, ho nune’e sira nia grupu organiza malu hodi kria eventu muzikal ne’e hodi hatudu ba publiku katak ne’e lalos.

“Idea no eventu ne’e halao hosi Ain-Tahu, hakarak hatudu det katak, ami jovem Bairo Pite uluk ema sempre akuza nudar fatin perigozu tamba sempre halo problema, maibe agora lae, ami jovem iha suku Bairo Pite hadomi dame no hakarak kontribui ba paz no estabilidade, liliu ba prosesu dezemvolvimentu rai ne’e,” dehan Alarico Pereira ba THETIMORNEWS iha, Bairu-Pite, Dili, Tersa (13/02/2018).

Wainhira hari’i palku iha fatin konsertu, ema hotu la imajina katak, Grupu Ain-Tahu bele organiza konsertu ne’e, satan laiha apoiu orsamentu hosi governu.

“Mais saida maka akontese, autoridade local iha ne’e hakfodak, maski ami laiha fundu, nem hosi governu, maibe ho kolaborasaun diak ho kolega grupu seluk no maun-alin Ain-Tahu no apoiu hosi sponsor balun, ami konsege halo ho susesu,” komentariu Alarico Pereira.

Lia fuan agradese mos hatoo hosi Xefe Aldeia T.A.T, Junior Barreto reprezenta autoridade local Bairo Pite fo agradese ba Juventude Bairu-Pite liu-liu grup Ain-Tahu ne’ebe ho kriativu no iha hanoin diak hodi kria eventu ne’ebe diak hodi halibur ema hotu atu moris iha paz no dame.

“Ohin hau rona eventu ida ne’e la hetan suporta husi Governu, hanoin ida ne’e diak liu, hanesan liafuan ne’eb’dehan, lalika husu ba nasaun saida mak nasaun atu fo ba ita, maibe husu ba ita nia an saida mak atu halo ba nasaun. Agradese ba Ain-Tahu bele organiza eentu ne’e,” dehan Junior.

Hare ba eventu ne’e, lao iha ambiente paz nia laran, autoridade local ne’e promote, fatin ne’ebe mak halo ona konsertu sei intrega tomak ba juventude sira iha bairu ne’e atu bele halo aktividade ne’ebe kontribui ba dame.

Giovania dos Santos Meilana “LANA” hananu hela muzika bainhira partisipa iha eventu konsertu muzika ne’ebe kria husi grup Aintahu hodi selebra loron Valentine Day Photo: TTN/Alarico Pereira

“Kontenti bele kanta iha eventu ne’e, tamba ami mos hela iha suku ne’e, orgullu bele hamutuk iha konsertu muzikal ne’e,” komentariu Giovania dos Santos Meilana “Lana” hosi Mamura, Cacaolidun.

Grup Bands hirak ne’ebe partisipa iha eventu ne’e mak hanesan, Advesa, Ventura, Letrian, JDM, treex, Edent, Tuber’s Brother dad, Naran Laek, Reyno, Gantajo, Buradu, Lana Mamura, Crocorts, Soldadu Nakukun, K-Kaut, Anur-Dance, Oscar, Gardus,The Kraken.

Eventu ne’e, hetan apoiu masimu husi KLAN, Guardian Angel Entertaiment (GAE), Kompana Natural Multimedia Production (NMP), J5-Pro no komunidade Bairo Pite.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here