Home dezenvolvimentu Governu Deside Agio Pereira Assina Akordu FM

Governu Deside Agio Pereira Assina Akordu FM

901
0
SHARE
Sekretariu Estadu Konsellu Ministro no Komunikasaun Sosial, Matias Boavida. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Governu liu husi reuniaun Konsellu Ministru deside ona Ministru Adjuntu Primeiru Ministru para Delimitasaun Fronteira Maritima (MAPMDFM) Agio Pereira mak sei assina akordu Fronteira Maritima ho Australia.

“Ohin KM koalia kona ba karta kompetensia masimu sei fo ba Ministru ne’ebe mak responsabiliza ba delimitasaun FM atu nune’e bele assina ona akordu ida ne’e, Ministru Agio mak sei assina,” dehan Sekretariu Estadu Konsellu Ministru no Komunikasaun Sosial Matias Boavida ba Jornalista hafoin remata KM esxtra ordinariu iha, Palacio do Governo, Tersa (13/02/2018).

Timor – Leste no Australia sei assina akordu refere 6 Marsu 2018, iha Nova Iorque no asina akordu ne’e Estadus Unidus Amerika (EUA) no nasaun balun tan mak sei sai sasin.

Durante ne’e, Kay Rala Xanana Gusmao mak sai hanesan Xefe Negosiador ba FM ho Australia hamutuk ho Ministru Agio Pereira nune’e, to ohin loron konsege hatudu duni rejultadu ne’ebe pozitivu ba nasaun no povu Timor – Leste.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here