Home dezenvolvimentu PM Alkatiri: Hau La Gosta Bolu Hau Lider Istoriku

PM Alkatiri: Hau La Gosta Bolu Hau Lider Istoriku

1226
0
SHARE
Primeiro Ministro Mari Alkatiri. Photo: TTN/Jose Samuel

By: Hortencio SANCHES

THETIMOR-NEWS.com, DILIPrimeiru Ministro (PM) Mari Alkatiri deklara iha nia vida tomak la gosta ema bolu nia lider istoriku, tanba nia parte sei kontribui hela ba prosesu dezenvolvimentu nasaun nian, maski nia hanesan mos  fundador ida ne’ebe hamutuk ho fundador sira seluk iha 1974/75 hodi deside Timor – Leste hamrik hanesan nasaun iha mundu nia let.

“Ami seidauk lider istoriku, maibe ami sei lider ativu, bainhira ema ba iha museum rezistensia hetan deit ami nia fotografia maibe ami seidauk ba iha ne’eba nune’e, hau la gosta bolu hau lider istoriku tanba hau sei ativu hela ne’e,” dehan PM Alkatiri iha kampus sentral  Universidade Nasional Timor Lorosa’e Dili, Segunda (12/02/2018).

Dadauk ne’e, ema sempre bolu lider sira hanesan Kay Rala Xanana Gusmao, Jose Ramos Horta, Taur Matan Ruak, Mari Alkatiri Lere Anan Timur ho lider seluk tan hanesan lider istoriku tanba lider hirak ne’e mak luta makas hodi lori povu no nasaun ne’e hetan independensia.

Durante ne’e publiku sempre kestiona Xefe Governu Mari Alkatiri no nia kompadre Xanana Gusmão sempre lao ho ideia ne’ebe la hanesan to’o hirus malu. Tanba ne’e Alkatiri haktuir, nia ho nia kompadre bele hirus malu, maibe objetivu ida deit hakarak lori povu ho nasaun ne’e ba oin.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here