Home dezenvolvimentu 12 Maiu AMP Garante Sei Manan Maioria EA

12 Maiu AMP Garante Sei Manan Maioria EA

254
0
SHARE
Francisco Kalbuadi Lay (Sekjen CNRT), Taur Matan uak (Prezidenti PLP) ho Jose Bucar Naimori (KHUNTO) hatudu dokumentu koligasaun hodi hakat ho pakote ida deit. Photo: TTN/Hortencio Sanches

By: Hortencio SANCHES

THETIMOR-NEWS.com, DILIDadauk ne’e Prezidente Republika (PR) Francisco Guterres Lu-Olo dekreta ona 12 Maiu sai hanesan loron ne’ebe halao eleisaun antesipada. Tanba ne’e, lider KHUNTO Gil Turquel garante Aliansa Mudansa ba Progresu (AMP) sei manan maioria hodi la fo fatin ba FRETILIN atu  manan.

“AMP tenke manan hodi hatur fila fali sasan hirak ne’ebe mak sira sobu ona, hanesan konstituisaun ne’ebe sira halo ulun tuna in sae, konstituisaun ne’ebe mak sira halo ulun tuna in sae  signifika katak sira la konsidera ona povu ida ne’e, tanba ne’e AMP tenke manan maioria duni,” dehan Gil iha nia diskursu hafoin isar bandeira AMI  iha Tasi-Tolu Dili, Domingu (11/02/2018).

Nia hatutan, bainhira salva konstituisaun hanesan salva jerasaun foun sira nia futuru iha aban bairua.

Iha fatin hanesan Vise Prezidente PLP Maria Angelina Sarmento hatete, eleisaun antesipada mosu tanba Prezidente Parlamentu Nasional (PPN) Aniceto Guterres kesi lia hamutuk ho PR Lu-Olo mak deside dezisaun ne’e. Tanba ne’e sira simu maibe la konkorda.

“Prezidente Aniceto mak futulia ho ita nia PR mak foti dezisaun ba eleisaun antesipda, nune’e ita simu dezisaun ne’e maibe ita la konkorda lolos dezisaun ne’e labele mosu tanba PPN Aniceto mak la konvoka plenaria hodi halo krize institusional mosu,” dehan lider PLP ne’e.

Nia haktuir, PR Lu-Olo foti dezisaun ba eleisaun antesipada laiha esplikasaun ne’ebe mak klaru ho razaun ne’ebe lolos tuirkonstituisaun RDTL.

Alende ne’e, lider CNRT  Arao Noe haktuir, lols governasaun ne’ebe lidera husi FRETILIN no PD sei la monu maibe falla husi lideransa mak halo Governasaun ne’e monu iha fulan 5 nia laran.

“Governu ne’e, kuandu ita koalia didiak ba malu sei la monu, hanesan Governu ne’ebe sente minoria tiha ona, maibe laiha lider ou xefe bankada ida husi FRETILIN ida atu hakbesik mai hau hodi konvensa hanoin oinsa mak ami nia apoiu ba governu ida ne’e, maibe sira mai mak ataka insulta ho ida ne’e mak susar atu apoiu governu ida ne’e,” dehan Arao.

Nia informa, durante ne’e deputadu sira hotu husi AMP iha Parlamentu Nasional (PN) hakarak buat hotu ne’ebe iha tenke lao tuir  lei ne’ebe hakerek ona iha Konstituisaun RDTL.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here