Home nasional Lere Husu Naimori Labele Halis Deit Ba Lider Balun

Lere Husu Naimori Labele Halis Deit Ba Lider Balun

6997
0
SHARE
Xefi Estadu Maior das forsa armada F-FDTL, Maijor General Lere Anan Timur. Photo: Espesial

By: Hortencio SANCHES

THETIMOR-NEWS.com, DILI – Xefe Estadu Maior das Forsas Armada F-FDTL, Maijor Jeneral Lere Anan Timur husu ba lideransa partidu Kmanek Haburas Unidade Timoroan (KHUNTO), Jose dos Santos Naimori Bucar atu labele halo intervensaun  ne’ebe halis deit ba lider istori balun, maibe tenke koalia hakuak lider istoria hotu atu nune’e bele lao ba oin hodi hadia nasaun no povu.

“Intervensoes hanesan hau nia irmaun Naimori dehan katak, Xanana ho Taur mak diak liu, agora ita tenke hamutuk deit ho sira, nusa mak la koalia dehan dudu sira nain hira ne’e hamutuk hodi rejolve problema ne’ebe mak agora akontese ne’e,” dehan Lere ba Jornalista sira iha Salaun Lalini Lariguto CNE Colmera Dili, Sexta (09/02/2018).

Alende eleisaun ne’ebe mak sei akontese iha tempu besika, Lere afirma bainhira mosu konflitus ruma F-FDTL hamutuk ho PNTL kumpri sira nia papel hodi halo atuasaun.

“Mosu konflitus rua iha eleisaun hanesan hau dehan seguransa ho defeza halo tuir nia papel la hateke ba ema nia oin kuandu o komiti krimi sira halo atuasaun ida ne’e mak seguransa nia misaun,” dehan Lere.

Tanbane’e, ema numeru ida iha instituisaun F-FDTL ne’e husu ba publiku atu kria paz no estabilidade atu labele kria tan konflitus hanesan tinan sira liu ba kotuk tanba ema barak mak sai vitima.

Iha Eleisaun Parlamentar 2017, Partidu KHUNTO konsege liu asentu parlamentu ho kadeira 5. Ho Kadeira ne’ebe partidu ne’e hetan, lori Konselleiru Superior KHUNTO ne’e hamutuk ho Partidu CNRT no PLP hodi forma koligasaun Aliansi Mudansa ba Progressu (AMP) hamutuk ho Kay Rala Xanana Gusmão no Taur Matan Ruak.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here