Home dezenvolvimentu Alemaña Ofrese € 7.4 Milioens ba Timor – Leste

Alemaña Ofrese € 7.4 Milioens ba Timor – Leste

1145
0
SHARE
Vise Ministra Negosiu Estrangeiru no Koperasaun,Adalgiza Magno. Photo: TTN/Jose Samuel

By: Hortencio SANCHES

THETIMOR-NEWS.com, DILI – Governu Alemaña aprova ona osan euro, € 7.4 Miloens ba Timor – Leste hodi ajuda dezenvolvimentu ne’ebe oras ne’e daudaun lao hela, liu-liu iha area formasaun ba Joventude no Agrikultura.

Vise Ministra Negosiu Estranjeiru no Koperasaun (MNEK) Adalgiza Magno hatete, ajuda ne’ebe mak governu Alemaña fo ba Timor-Leste ho osan ne’ebe bo’ot nune’e nia fiar bele ajuda diak liu tan dezenvolvimentu nasaun ne’e nian.

“Osan ne’ebe mak Alemaña fo mai ita ne’e atu suporta ba iha juventude no area estudu ba iha mos area agrikultura ninian, hatene katak Alemaña mos iha problema uitoan hanesan ita, maibe sira nia governu seidauk los, maibe ita agradese tanba iha problema uitoan, maibe ita bele hetan fundus ida hanesan ne’e husi sira ne’ebe montante bo’ot tebes kona ba iha dolar karik 9.1 miloens dolar Amerika,” dehan Adalgiza Magno ba Jornalista iha edifisiu MNEK, Pantai Kelapa Dili, Sexta (09/02/2018).

Montante orsamentu ne’ebe Governu Alemaña fo ne’e durasaun implementasaun hahu husi 2018 to’o 2022.

Iha fatin hanesan Kordenador Germany Development Cooperation Timor – Leste, Karl-Heinz Frank hatete, ajuda ne’ebe mak Alemaña ofrese ba Timor – Leste atu ajuda area agro floresta ninian.

“Apoiu ne’ebe ami fo liu husi Governu Alemaña no Governu Europea, nune’e ami kontente tebes tanba atu implementa projetu foun ida iha Timor – Leste, hau rasik sei sai kordenador ba projeitu ida ne’e,” dehan Karl-Heinz.

Ajuda ne’ebe Alemana fo hanesan ajuda umanitariu ida hodi hametin liu tan koperasaun bilateral entre nasaun rua.

Editóra: Agida DOS SANTOS I COPYRIGHT © THETIMORNEWS2018

LEAVE A REPLY

Please enter your comment!
Please enter your name here