Home nasional CNRT-PLP Kompleta Meza Komisaun Permanente

CNRT-PLP Kompleta Meza Komisaun Permanente

98
0
SHARE

By: Hortencio SANCHES

THETIMOR-NEWS.com, DILI – Liu husi inkontru ba dala uluk komisaun permanente iha Parlamentu Nasional (PN) deputada Maria Terezinha husi bankada CNRT eleitu ba Sekretaria hamutuk ho  Signi Chandrawati Verdial bankada PLP ne’ebe eleitu hanesan vise sekretaria meza komisaun permanente.

Deputada rua ne’e hetan oportunidade tanba avansa ho pakote uniku ne’ebe aprezenta husi bankada opozisaun hanesan, CNRT, PLP no KHUNTO, liu husi votus sekreitu pasa ho votus afavor 19, kontra 7 no abstensaun  3.

Komisaun permanente kompostu husi deputadu hamutuk  29  husi bankada FRETILIN deputadu nain 10, CNRT 10, PLP 4, PD 3 no KHUNTO 2.

Komisaun  permanente sei funsiona durante periudu PN dizolve, nune’e komisaun ne’e preside reuniaun husi Prezidente PN Aniceto Guterres no nia vise nain 2 Julio Metamalik primeiru vise no Antonio Verdial hanesan vise sigundu.

Tuir artigu 102 konstituisaun RDTL, komisau permanente akompaina servisu governu no administrasaun, kordena atividade PN, promove konvokasaun PN bainhira  nesesariu, prepara no organiza sesaun PN nian, assentimentu deslokasaun PR, diriji relasaun PN no Parlamentu sira no instituisaun analogus nasaun seluk autoriza situasaun estadu sitiuno estadu emerjensia.

Antes Prezidente Republika seidauk dizolve PN, Sekretaria Meza mak deputada Lidia Norberta husi bankada FRETILIN, Angelica da Costa  hanesan Vise primeiru FRETILIN no Elvina Carvalho husi PD.

Editóra: Agida Dos SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here