Home dezenvolvimentu PD “La Aseita” Ema Utiliza Simbulu Rezistensia

PD “La Aseita” Ema Utiliza Simbulu Rezistensia

25
0
SHARE
Prezidente PD Mariano Assanami Sabino. Photo: TTN/ Jose Samuel

By: Jose SAMUEL

THETIMOR-NEWS.com, DILI – Partidu Demokratiku (PD)  liu husi nia lideransa Prezidente Mariano Assanami Sabino hatete, PD “la aseita” ema hirak ne’ebe utiliza simbulu rezistensia hodi fahe ba Frente Klandestina, Frente Diplomata no Frente Armada.

“PD la asseita atu ema koalia fali rezistensia no utiliza rezistensia nu’udar instrumentu ida hodi fahe fali ba frente diplomatiku, frente armadas, frente klaundistina. Frenti sira ne’e importante hotu mak ohin loron ita ukun rasik a’an,” dehan Assanami ba Jornalista sira hafoin remata inkontru ho Prezidente Republika Francisco Guterres Lu-Olo iha Palacio Prezidensial Bairu Pite  Dili, Kuarta (07/l02/2018).

Nia hatutan, ba oin, tenke uza programa atu nune’e bele moderniza no transforma povu atu moris tuir objetivu ukun rasik an.

Tanba ne’e, iha eleisaun  antesipada, nia husu ba povu hotu atu ejerse direitu hodi ba vota tanba ukun rais an povu nian.

“Agora tama ba Eleisaun Antisipada ne’e tenki provoka desafiu ba ita hotu, hamrik atu ejerse funsaun nu’udar ukun nain,” dehan Assanami.

Lider jerasaun foun ne’e haktuir, PD la kontente hasoru eleisaun antesipada tanba halo kole  povu no gasta osan ne’ebe barak.

“Eleisaun antesipada ne’e tristeza bo’ot, laos kontenti tamba ita gasta osan hanesan gasta povu nia tempu, maibe uniku dalan ida deit para povu fo’o fali konfisansa hodi ukun lao ba oin ne’e ho diak,” dehan Asanami.

Alende ne’e, nia husu ba partidu politiku sira hotu atu tenke halo tuir no kaer metin prinsipiu ne’ebe mak hatur ona iha konstituisaun RDTL, ne’ebe loke dalan ba multi partidaria.

“Konstituisaun ne’e ita nia matadalan, partidus politiku sira labele hanoin deit ba ukun, maibe tenki iha mos responsabilidde ba konstrusaun estadu, nasaun ne’e ita hotu nian tamba ema Timoroan hamutuk 350.000 mak mate foin nasaun ne’e ukun rasik a’an,” dehan lider foin sae ne’e.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here