Home dezenvolvimentu Parpol “Konkorda” 12 Maiu ba Loron Eleisaun Antesipada

Parpol “Konkorda” 12 Maiu ba Loron Eleisaun Antesipada

153
0
SHARE
Prezidente CNE Alcino Barris koalia hela ho jornalista, husi sorin liman karuk Diretor Jeral STAE Acilino Branco, Photo: TTN/Jose Samuel

By: Jose Samuel

THETIMOR-NEWS.com, DILI – Prezidente Republika Francisco Guterres Lu-Olo konvoka ona reuniaun ho partidu politiku (parpol) 5 ne’ebe hetan asentu iha Parlamentu Nasional iha eleisaun 2017 no Comisaun Nasional Eleisoes (CNE) Sekretariadu Tekniku Administrasaun Eleitoral (STAE) hodi deside no “konkorda” ona 12 Maiu sai hanesan loron ba votasaun eleisaun antesipada.

Prezidente CNE Alcino Barris esplika data ne’ebe mak sira termina hamutuk ho PR Lu-Olo tanba loron ne’e ideal tebes ba preparasaun STAE no CNE nian bainhira halo resensiamentu.

“Ami hare’e data ne’ebe ideal mak 12 de Maiu 2018, tamba 12 de Maio ne’e konta mai kotuk labele liu tempu ne’e nia naruk,” dehan Prezidente CNE Alcino ba Jornalista sira iha Palacio Prezidencial Bairo Pite Dili, Kuarta (07/02/2018).

Alende ne’e, nia koalia mos kona ba partidus politiku sira ne’ebe, oras ne’e daudaun komesa provoka malu liu husi hatun bandeira no hasae bandeira.

“Ema sira ne’ebe, uluk hasae bandeira tanba sira iha partidu ida, maibe kuandu tama fali ba partidu seluk sira rasik mak hatun fali bandeira partidu ne’ebe uluk sira tama ne’e nian, ne’e direitu eskolla, dalaruma difisil atu konbina ema, anaun ser iha fatin ne’ebe hasae hela bandeira mak grupu ida mai hatun tiha nia bandeira ne’e signifika viola ema nia eskolla tamba ema ne’e liberdade,” dehan Alcino.

Enkuantu sira nia parte mos planeia ona atu hasoru malu ho instituisaun importante hanesan F-FDTL, PNTL nune’e bele halo esplikasaun kona ba aktus eleitoral ida ne’ebe mak halo no labele halo bainhira mosu konflitus ruma.

Vise Prezidente PLP, Fidelis Magalhaes. Photo: TTN/Jose Samuel

Vise Prezidente PLP Fidelis Magalhaes hatete, sira nia parte konkorda ho loron eleisaun ne’ebe monu iha 12 Maiu 2018 ne’ebe aprezenta husi CNE no STAE.

“Ami hanoin data ne’e, diak atu nune’e bele organiza eleisaun ne’e ho mos no transparante, eleisaun ne’e sei lao ho profesionalismu no diak liu eleisaun ne’ebe mak liu ona,” dehan Fidelis.

Alende ne’e, iha eleisaun antesipada PLP lakoi povu hotu moris iha konflitus nia laran, maibe tenke moris iha harmonia.

“PLP kompremetidu, durante ne’e hatudu iha assaun katak, ami hakarak Timor – Leste  moris iha harmonia no paz nia laran,” dehan Fidelis.

Nia hatutan, komprimisiu ne’ebe PLP hasai ona sei la muda no kaer metin nafatin atu  povu hotu bele moris tuir dalan demokrasia.

Iha Eleisaun Parlamentar 2017 parpol 5 ne’ebe hetan asentu iha PN maka FRETILIN ho nia kadeira 23, CNRT (22), PLP (8), PD (7), no KHUNTO (5).

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here