Home dezenvolvimentu KHUNTO Laran Metin Hamutuk ho Lider Istoriku

KHUNTO Laran Metin Hamutuk ho Lider Istoriku

294
0
SHARE
Ministra Solidaridade Sosial Armanda Berta. Photo: TTN/Hortencio SANCHES

By: Jose SAMUEL

THETIMOR-NEWS.com, DILI – Prezidente KHUNTO Armanda Berta hatete, sira nia parte fiar an hodi lao hamutuk ho AMP (Aliansi Mudansa ba Progressu) ne’ebe hamutuk ho lider istoriku 2 hanesan Kay Rala Xanana Gusmao no Taur Matan Ruak.

“KHUNTO sei garante paz no estabilidade iha eleisaun antesipada, ami fiar an atu lao hamutuk ho AMP hodi hasoru eleisaun,” dehan Armanda ba Jornalista hafoin remata inkontru ho Prezidente Republika (PR) Francisco Guterres Lu-Olo iha Palacio Prezidensial Bairo Pite Dili, Kuarta (07/02/2018).

Lider KHUNTO ne’e informa, bainhira kampaina sira hamutuk ho AMP sei uza nafatin programa PEDN ne’ebe mak durante ne’e, FRETILIN, CNRT, PD no partidu sira balun halo ona.

Iha Eleisaun Parlamentar 2017, Partidu KHUNTO konsege halo supreza hodi hetan kadeira 5 no sai “joker” ba partidu vensedor no segundu mais votadu tamba kadeira ne’ebe sira iha bele estabiliza governasaun ida hodi lori votos maioria iha Parlamentu Nasional.

Prezidente CDN,Dionisio Babo. Photo: TTN/Jose Samuel

Entertantu, Prezidente CDN-CNRT, Dionisio Babo hatete, sira nia parte kontinua lao tuir nafatin Konstituisaun RDTL ne’ebe mak hatur ona iha Timor – Leste iha situasaun saida deit.

“Ema hotu nia kompromete, liu-liu CNRT desde uluk kedas komesa husi 2007 no 2009 promete katak, sei lao tuir lei ne’ebe mak iha ona,” dehan Dionisio Babo.

Alende ne’e, nia informa, AMP sei lao ho plataforma ne’ebe foun  no laiha problema ba sira nune’e, iha ajustamentu programa ne’ebe hanesan ho partidu sira hamutuk iha AMP nia laran.

Editóra: Agida Dos SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here