Home dezenvolvimentu Jose Reis: Eleisaun Dala Hira Mos, FRETILIN Sei Manan Nafatin

Jose Reis: Eleisaun Dala Hira Mos, FRETILIN Sei Manan Nafatin

214
0
SHARE
Adjunto Sekretariu Jeral FRETILIN, Jose Reis. Photo: TTN/Jose Samuel

By: Jose SAMUEL

THETIMOR-NEWS.com, DILI – Vitoria ne’ebe Partidu FRETILIN hetan iha Eleisaun Parlamentar 2017 no ikus tenki fila fali ba eleisaun antesipada, tuir  Adjunto Serkretariu Jeral FRETILIN Jose Reis, FRETILIN sei manan nafatin, maski halo hela deit eleisaun.

“Eleisaun bele to dala hira mos FRETILIN sei la lakon, problema agora laos Frente Armadas, Frente Klandestina, maibe povu hakarak agora tenke moris diak no dezenvolvimentu tenke lao,” dehan Jose Reis ba Jornalista hafoin remata sorumutu hamutuk ho Prezidente Republika (PR) Francisco Guterres Lu-Olo iha Palacio Prezidencial Bairo Pite Dili, Kuarta (07/02/2018).

Nia haktuir, bainhira FRETILIN manan iha eleisaun jeral tanba povu hatene ona durante tinan 10 sira nia moris laiha mudansa.

“FRETILIN iha opozisaun durante tinan 10 ne’e, signifika katak, buat balun ne’ebe governu anterior halo lalos, maibe ami fiar katak eleisaun antesipada FRETILIN sei manan,” dehan Jose Reis.

Alende ne’e, bainhira iha eleisaun nia husu ba instituisaun media hotu atu kria estabilidade hodi kontribui ba paz, laos partidu politiku deit.

“Bainhira estabilidade, iha prosesu eleisaun, laos deit partidu sira mak kria estabilidade, media sira mos tenke kontribui hodi fo sai informasaun ne’ebe lolos,” dehan Jose Reis.

Iha Eleisaun Parlamentar 2017, Partidu FRETILIN sai vensedor ho kadeira 23. Antes ne’e iha Eleisaun Parlamentar 2012, Partidu FRETILIN konsege hetan kadeira 25.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here