Home dezenvolvimentu Governu Sei Iha Deve Ospital Internasional 6 Miloens USD

Governu Sei Iha Deve Ospital Internasional 6 Miloens USD

84
0
SHARE
Sekretariu Estadu Konsellu Ministro no Komunikasaun Sosia, Matias Boavida. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Sekretariu Estadu Konsellu Ministru no Komunikasaun Sosial (SEKMKS) Matias Boavida informa, oras ne’e daudaun Timor – Leste sei iha deve ho ospital internasional sira hamutuk miloes 6 dolares amerikanu (USD).

“Agora daudaun ita nia deve ho ospital sira iha rai liur hanesan, Singapura, Malazia no Indonezia hamutuk 6 miloens, entaun moras sira agora iha ita atu haruka ba tenke selu uluk dividas hirak ne’e,” dehan Matias ba Jornalista sira hafoin remata reuniaun Konsellu Ministru iha, Palacio do Governo, Kuarta (07/02/2018).

Nia haktuir, oras ne’e daudaun Governu utiliza deit orsamentu duadesimu. Tanba ne’e la to atu selu tusan hirak ne’ebe agora daudaun iha.

Ho tusan ne’ebe Governu seidauk selu, sai risku ba pasiente Timoroan ne’ebe presiza halo tratamentu iha rai liur tanba ospital internasional sira sei la simu moras husi Timor – Leste ne’ebe haruka husi Governu.

Hatan ba kestaun ne’e, Matias hatete, ho situasaun hirak hanesan ne’e diak mos ba Timor – Leste atu bele utiliza mediku Timoroan hirak ne’ebe oras ne’e daudaun iha.

“Ita ohin loron tenke maksimiza ita nia matenek oan sira, doutor oan sira ne’ebe iha, tanba dala barak liu ita haruka barak liu ba liur mesmu ain tohar mos tenke haruka ba liur, nune’e mak agora daudaun ita tenke halo avaliasaun ba kapasidade mediku sira ne’ebe ohin loron ita iha ne’e la menus mos ho mediku sira iha rai liur ho krize ne’ebe iha ne’e mak halo ita bele kurizi buat hirak ne’ebe lalos,” dehan Matias.

Domingos Costa nudar sidadaun husu mos ba governu atu tau atensaun ona ba fasilidade saude iha Timor-Leste, liliu iha HNGV, nune’e ema hotu bele hetan tratamentu hanesan no la persiza gasta osan barak ba rai liur.

“Durante ne’e governu koalia transfere pasiente ba rai liur, ita hare ema kiak hira mak transfere ba rai liur. Iha mos ema boot deit no sira ne’ebe iha ligasaun ho ukun nain sira. Nusa osan sira ne’e ita la tau hodi sosa ekipamentu saude tau iha ita nia rai nune’e povu balun ne’ebe kiak bele hetan tratamentu hanesan,” dehan Domingos.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here