Home edukasaun PM Alkatiri Louva Servisu CNDL

PM Alkatiri Louva Servisu CNDL

266
0
SHARE
Komisaria CNDL, Maria Barreto. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Primeiro Ministro (PM) Mari Alkatiri apresia servisu ne’ebe durante ne’e Comisaun Nasional Direitu Labarik (CNDL) halao hodi proteje labarik sira nia direitu.

Xefe Governo hato’o lia hirak ne’e bainhira hasoru malu ho Komisaria CNDL, Maria Barreto iha Palacio do Governo, Tersa (06/02/2018).

“Durante ne’e PM akompaina hela servisu CNDL nian, nune’e PM husu ami atu servisu nafatin atu nune’e labarik Timor – Leste bele sai husi risku violensia ne’ebe afeitu ba labarik no kondisaun edukasaun ho saude ne’ebe mak labarik sira bele assesu ho diak,” dehan Maria Barreto.

Dadauk ne’e, iha Kapital Dili labarik barak mak lakon sira nia direitu atu assesu ba edukasaun no barak mak sei fan sasan iha dalan ninin. Tanba ne’e, komisaria ne’e hatete, oras ne’e daudaun sira nia parte servisu hamutuk ho Sekretariu Estadu Juventude Traballu (SEJT) halo asaun konjunta hamutuk ho PNTL hodi hare ba kestaun hirak ne’e, alende ne’e hare mos esbosu lei ne’ebe mak halo iha VI Governo maibe seidauk aprezenta iha Konsellu Ministro.

“Kona ba labarik sira ne’ebe mak assesu ba kogu sira hanesan SDSB ne’e, fila fali ba konsiensia inan aman ida-idak nian atu nune’e bele hare no proteje oan sira, tuir fali mos konsiensia husi publiku  komunidade oinsa ita bele foti medidas aktividade ida ne’ebe la serve ba labarik sira,” dehan Comisaria ne’e.

Editóra: Agida Dos SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here