Home nasional Miloens 5 USD Ba Eleisaun Antesipada

Miloens 5 USD Ba Eleisaun Antesipada

841
0
SHARE
Povu Timor-Leste forma hela hodi fo nia deretu vota iha Eleisaun Parlamentar 2017. Photo: TTN/Evangelisto Santos

By: Jose Samuel

THETIMOR-NEWS.com, DILI – Ministeriu Administrasaun Estatal (MAE) prepara ona orsamentu hodi realiaza eleisaun antisipada hamutuk miloens 5 dolares amerikanu (USD).

Ministru Administrasaun Estatal, Valentim Ximenes. Photo: TTN/Jose Samuel

Osan miloens 5 USD ne’e sei fahe ba instituisaun rua hanesan Comissão Nasional de Eleçoens (CNE) no Sekretariadu Tekniku Administrasaun Eleitoral (STAE).

“Ami iha orsamentu estadu liu husi governu nian ho total hamutuk 5 miloens mak ba deit CNE no STAE hodi halao eleisaun antesipada,” dehan Ministru Administrasaun Estatal, Valentim Ximenes ba jornalista hafoin remata sorumutuk ho Prezidente Republika, Francisco Guterres Lu-Olo iha Palasiu Prezidensial Bairu-Pite Dili, Segunda (05/02/2018).

Kona ba data eleisaun antesipada, maski Prezidenti Republika mak sei desidi nia loron, maibe hosi MAE propoin ona ba xefi estadu eleisaun ne’e sei realiza iha Maiu 2018.

“Kona ba data prezidenti republika mak sei anunsia,” dehan Valem Ximenes.

Prezidenti CNE, A;cino Barris (oklu) no Diretor Jeral STAE, Acilino Branco koalia ba malu wainhira hasoru malu PR Lu-Olo hodi koalia preparasaun eleisaun antesipada. Photo: TTN/Jose Samuel

Ministru ne’e esplika, sira nia parte sei esforsu hodi lori povu sira bele vota iha loron eleisaun antesipada.  “Ami buka tenta nafatin halo maneiras hot-hotu hodi kartiva ema nia partisipasaun iha prossesu tomak atu nune’e bele hetan rezultadu ne’ebe diak “.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here