Home nasional Alkatiri Hakarak FRETILIN Iha Deputada Aileu

Alkatiri Hakarak FRETILIN Iha Deputada Aileu

1016
0
SHARE
Mari Alkatiri, Sekretariu Jeral FRETILIN

By: Hortencio SANCHES

THETIMOR-NEWS.com, AILEU – Hare’e ba reprezentante deputada FRETILIN iha Parlamentu Nasional (PN) ne’ebe laiha hosi Aileu, Sekretariu Jeral Partidu FRETILIN, Mari Alkatiri iha eleisaun antesipada dadauk ne’e, husu ba feto Aileu atu bele tau nia reprezentante iha PN.

Tamba ne’e, Alkatiri husu ba Aileu oan liu-liu feto bele aprezenta naran nune’e iha V lejislatura bele tur iha Parlamentu Nasional.

“Iha Aileu ne’e laiha ema ida mak tur iha PN, tanba ne’e iha tinan ida ne’e hau garante atu reprezentante ida tenke ba tur iha ne’eba, nune’e hau husu iha Fevereiru agora bele hatama imi nia naran ona, ema nain tolu feto 2 mane 1 lae feto 3 diak liu tan,” dehan Alkatiri bainhira halo dialogu ho komunidade Aileu iha Salaun Munisipal Aileu Vila, Sexta (02/02/2018).

Nia haktuir, durante ne’e, so Aileu mak la hatama naran atu sai deputadu FRETILIN hodi tur iha PN, maibe iha munisipiu seluk hatama kandidatura to ema 4 mai kraik.

“Durante ne’e, husi munisipiu seluk hatama naran ba kandidatura deputadu balun ne’e to ema nain 4 maibe mane hotu feto ida mos laiha ne’e la diak, ne’e duni hau fiar tinan ida ne’e Aileu oan ida tenke tur iha PN,” dehan PM Alkatiri.

Iha nia hasoru malu ho komunidade Aileu, hare’e ba komentariu ne’ebe oras ne’e daudaun mosu barak husi publiku hodi kestiona FRETILIN ema hotu nian no husu Sekretariu Jeral Mari Alkatiri tenke sai husi FRETILIN hodi forma partidu rasik. Tanba ne’e Alkatiri hatete, nia mak fundador FRETILIN oinsa mak tenke husik FRETILIN.

“Ema barak koalia dehan FRETILIN ne’e, ema hotu nian, nusa Alkatiri la sai tia husi FRETILIN, hau mak fundador FRETILIN nusa mak  hau sai fali, hau mak fundador ida ne’ebe hori uluk kedas nunka husik FRETILIN,” dehan Alkatiri bainhira halo dialogu ho komunidade Aileu iha, Salaun Munisipal Aileu Vila, Sexta (02/02/2018).

Ho nune’e nia dehan, la justu no la los bainhira haruka nia sai husi FRETILIN.

Iha Eleisaun Parlamentar 2017, FRETILIN sai vensedor ho kaeira 23, maibe wainhira ukun partidu historiku ne’e nia durasaun to’o det fulan 6 maski halo ona koligasaun ho Partido Democratico (PD) ne’ebe ho kadeira 7.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here