Home nasional TMR Fo Saudasoes Espesial ba FRETILIN-PD

TMR Fo Saudasoes Espesial ba FRETILIN-PD

3095
0
SHARE
Taur Matan Ruak. Photo: google.com

By: Hortencio SANCHES

THETIMOR-NEWS.com, DILI – Portavoz Partidu koligasaun Aliansa Mudansa ba Progressu (AMP), atual Prezidente Partidu Libertasaun Popular (PLP) Taur Matan Ruak, lori partidu tolu nia naran fo saudasoes espesial ba partidu FRETILIN no PD atu nune’e bele hametin liu tan respeita malu maski ideia diferente.

Francisco Kalbuadi Lay (Sekjen CNRT), Taur Matan uak (Prezidenti PLP) ho Jose Bucar Naimori (KHUNTO) hatudu dokumentu koligasaun hodi hakat ho pakote ida deit. Photo: TTN/Hortencio Sanches

“Hanesan portavoz AMP hau hakarak lori imi hotu nia naran, agradese no fo saudasoes espesial ba FRETILIN no PD, maski ita iha diferente, mais sempre iha respeita ba malu nafatin,” dehan Taur iha nia intervensaun ba kuadrus partidu CNRT, PLP no KHUNTO bainhira halo lansamentu ba naran Aliansa Mudansa ba Progresu ne’ebe halo iha Hotel Novu Turismo Dili, Kinta (01/02/2018).

Ema numeru ida iha PLP ne’e hatutan, respeita malu hanesan dalan ida nune’e bele haburas intendimentu no komprensaun demokrasia ne’ebe harii iha Timor – Leste bele sai buras liu tan.

Maski durante ne’e, lider husi partidu hirak ne’e sempre hare malu hanesan inimigu iha politiku liu-liu iha Parlamentu Nasional (PN) tan deit ho ideia ne’ebe la hanesan.

Tanba ne’e, eis Prezidente Republika 2012-2017 ne’e haktuir, Timor – Leste sai ezemplu ba nasaun barak iha mundu tanba lider sira iha diferente maibe la mosu konflitu ne’ebe bo’ot hodi halo terus povu.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here