Home nasional Hakat ba EA, Alkatiri: Hau Lori Komprimisu FRETILIN 75

Hakat ba EA, Alkatiri: Hau Lori Komprimisu FRETILIN 75

1274
0
SHARE
Mari Alkatiri, Sekretariu Jeral FRETILIN

By: Hortencio SANCHES

THETIMOR-NEWS.com, DILI – Sekretariu Jeral Partidu FRETILIN, Mari Alkatiri sei la hakfodak ho partidu balun ne’ebe fo ona apoiu ba Aliansi Maioria Parlamentar (AMP) hodi hakat ba Eleisaun Antesipada tamba nia sei lori komprimisiu FRETILIN 1974/1975 fila fali ba povu.

Militante FRETILIN wainhira partisipa iha kampana eleisaun parlamentar iha 2012. Photo: Martine Peret

Alkatiri hatete, maski partidu sira halai hamutuk hodi hakat ba eleisaun, maibe nia sei la hakfodak tanba oras ne’e daudaun nia servisu hamutuk ho povu.

“Hau fo parabens ba sira tanba partidu 3 mak halibur hamutuk, maibe hau servisu ho povu, hau lori komprimisiu ida ne’ebe FRETILIN halo iha 1974/75, libertar a Patria libertar o Povu, ita hare ona partidu sira ukun durante tinan 10, maibe povu sei kiak nafatin,” dehan Alkatiri ba Jornalista sira iha Palacio do Governo, Kuarta (31/01/2018).

AMP lidera husi figura masimu Kay Rala Xanana Gusmão no portavoz mak Taur Matan Ruak, iha ona planu no orariu, Kinta (01/02/2018) sei asina plataforma koligasaun entre partidu tolu ne’e hodi hametin koligasaun antes hakat ba eleisaun antesipada.

Iha Eleisaun Parlamentar 2017, Partidu FRETILIN sai vensedor ho kadeira 23, CNRT 22, PLP 8, PD 7 no KHUNTO 5.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here