Home nasional AMP Avansa Pakote Uniku Hasoru Eleisaun Antesipada

AMP Avansa Pakote Uniku Hasoru Eleisaun Antesipada

1410
0
SHARE
Francisco Kalbuadi Lay (Sekjen CNRT), Taur Matan uak (Prezidenti PLP) ho Jose Bucar Naimori (KHUNTO) hatudu dokumentu koligasaun hodi hakat ho pakote ida deit. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Congresso Nacional Recontrução de Timor-Leste (CNRT), Partido Libertasaun Popular (PLP) no Partidu Klibur Haburas Unidade Nasional Timor Oan (KHUNTO) deklara ona hakat ba eleisaun antesipada ho pakote uniku.

Francisco Kalbuadi Lay (Sekjen CNRT), Taur Matan uak (Prezidenti PLP) ho Jose Bucar Naimori (KHUNTO) asina hela dokumentu koligasaun hodi hakat ho pakote ida deit. Photo: TTN/Hortencio Sanches

Pakote uniku ne’e, partidu tolu ne’ebe hamutuk nudar Aliansi Maioria Parlamentar (AMP) ne’e kesi metin liu ona iha asina plataforma koligasaun nian ne’ebe asina iha Hotel Novo Turismu, Dili, Kinta (01/02/2018).

Iha assina plataforma ne’e, halo aprovasaun no tau naran foun ba AMP nudar Aliansa Mudansa ba Progresu hanesan naran ida ne’ebe permanente ona hodi hasoru eleisaun.

Ba Jornalista sira, Portavoz AMP Taur Matan Ruak hatete, agora daudaun sira manan maioria ona tanba avansa ba eleisaun ho ona kadeira 35. Tanba ne’e, nia garante iha eleisaun agora AMP sei sai hanesan partidu mais votadu hodi forma VIII Governu Konstitusional.

“Agora daudaun ami hetan ona vitoria tanba avansa ba eleisaun ho kadeira 35 bele aumenta tan laiha buat ida diak liu tan,” dehan Taur Matan Ruak ba Jornalista sira.

Assina akordu ne’e, Partidu CNRT reprezenta hosi Sekretariu Jeral Francisco Kalbuadi Lay, PLP asina hosi nia prezidenti, Taur Matan Ruak no KHUNTO hosi nia Konselleru Masimu Jose Naimori Bucar.

Serimonia ne’e partisipa husi Kuadrus Nasional munisipal husi partidu tolu ne’e nian no militante balun, inklui mos lideransa hosi partidu 9 seluk ne’ebe halibur an iha Forum Demokratiku Nasional (FDN).

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here