Home nasional Programa VII Governu Sai Materia Kampana FRETILIN-PD

Programa VII Governu Sai Materia Kampana FRETILIN-PD

496
0
SHARE
PM Alkatiri hasoru malu ho komunidade Maubara, Munisipiu Liquisa hodi hatoo programa governu nian. Photo: TTN/Hortencio Sanches.

By: Hortencio SANCHES

THETIMOR-NEWS.com, DILI –  Prezidente Komisaun Politiku Nasional Partidu Demokratiku (PD), Adriano Nacimento atual Ministru Presidensia Konsellu Ministru hatete, Programa VII Governu ne’ebe FRETILIN no PD halo iha sira nia governasaun ne’ebe hetan kontra iha Parlamentu Nasional, sei sai material kampana Partidu FRETILIN no PD iha Eleisaun Antesipada.

Militante FRETILIN wainhira partisipa iha kampana eleisaun parlamentar iha 2012. Photo: Martine Peret

“FRETILIN ho PD sei lao hamutuk ba oin nafatin, razaun tanba programa VII Governu nian ba tinan lima ne’e, FRETILIN ho PD mak halo ne’ebe lori ba PN deputadu sira maioria ne’e vota kontra tia, tanba ida ne’e FRETILIN no PD sei uza programa ne’e hanesan material kampaina hodi implementa iha ukun,” dehan Adriano ba Jornalista sira iha Palacio do Governo, Tersa (30/01/2018).

Nia haktuir oras ne’e daudaun koligasaun entre partidu rua lao metin nafatin no hein loron ne’ebe mak Prezidente Republika Francisco Guterres Lu-Olo sei deside ba eleisaun antesipada.

Lideransa PD wainhira halo kampana iha Eleisaun Parlamentar 2017. Photo: Dok PD

Adriano mos deklara, sira nia partidu nem hakfodak ho partidu sira ne’ebe laiha asentu Parlamentu Nasional ne’ebe deklara ona fo sira nia apoiu no votos ba AMP ne’ebe kompostu hosi partidu CNRT, PLP no KHUNTO.

“PD ho FRETILIN sei la hakfodak no fiar an nafatin katak, sira mak sei sai partidu vensedor iha eleisaun antesipada tanba povu matenek ona hodi hili,” dehan Adriano.

Iha Eleisaun Parlamentar 2017, Partidu FRETILIN sai vensedor ho kadeira 23 no PD iha pozisaun datoluk ho kadeira 7. Entertantu CNRT ne’ebe iha kadeira 22 hamutuk ho PLP ho kadeira 8 no KHUNTO ho nia kadeira 5.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here