Home nasional MDS Sei Fo Seguransa Espesial ba Xanana no TMR Iha EA

MDS Sei Fo Seguransa Espesial ba Xanana no TMR Iha EA

2781
0
SHARE
Xanana Gusmao (tara tais) ho Taur Matan Ruak (oklu metan) uluk wainhira komanda no lidera FALINTIL hodi hasoru militar Indonezia iha luta hasoru okupasaun Indonezia. Photo: Google.com

THETIMOR-NEWS.com, DILI – Ministeriu Defeza no Seguransa (MDS) sei fo seguransa ba eleisaun antesipada (EA) iha teritoriu tomak Timor-Leste nian, inklui fo seguransa espesial ba Xanana Gusmao no Taur Matan Ruak (TMR), no mos lider istoriku sira balun.

Ministru Defeza no Seguransa (MDS), Jose Agustinho Sequeira Somotxo. Photo: TTN/Jose Samuel

Hafoin enkontru ho Prezidenti Republika Francisco Guterres Lu-olo, Ministru Defeza no Seguransa, Jose Agostinu Sequeira Somotxo informa, seguransa ba eleisaun antesipada sai topiku iha nia hasoru malu ho xefi estadu.

“Eleisaun antesipada iha tipu seguransa rua hanesan jeral ba teritoriu Timor laran Tomak no espesialmente ba figuras liders istoriku sira hanesan, Jose Alexandre Kay Rala Xanana Gusmão, Taur Matan Ruak, Jose Ramos Horta ho figuras historikus politikus sira seluk,” dehan Ministru Somotxho iha Palacio Prezidente Bairu-Pite Dili, Tersa (30/01/2018).

Iha situasaun politik dadauk ne’e, Ministru Somotxo hateten, nudar jerasaun tuan, sira iha responsabilidade ba preokupasaun iha situasaun rai laran no kontinua tau matan ba jerasaun foun sira ne’ebe sei sai autor ba ukun nain iha futuru.

Dadauk ne’e, Xanana Gusmao nudar eis Komandante FALINTIL iha luta hasoru okupasaun Indonezia kaer pasta nudar Prezidenti Partidu CNRT no Taur Matan Ruak, eis xefi estadu ne’ebe dadauk ne’e mos asumi kargu Prezidenti Partidu Libertasaun Popular (PLP) hamutuk ona iha koligasaun hodi ukun governu foun ne’ebe sei desidi liu hosi eleisaun antesipada.

Jose Ramos Horta, nudar senior iha frente diplomatiku no mos eis xefi estadu dadauk ne’e hamutuk iha governasaun Primeiru Ministru Mari Alkatiri nudar Ministru Estadu no Konselleiru ba Seguransa Nasional, ne’ebe forma hosi Partidu FRETILIN no PD. Mandatu governu ne’e rasik sei hotu hafoin rezultadu eleisaun antesipada.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here